අද පෙරවරුවේ ජනාධිපතිවරයාගේ ප්රධානත්වයෙන් පැවැති පොහොට්ටුවේ හා ආණ්ඩුවේ ස්වාධීන කණ්ඩායමේ සාකච්ජාවේදී ජාතික එකඟතා ආණ්ඩුවක් බිහි කිරීම සම්බන්ධයෙන් එකගතාවක් ඇතිවී තිබෙන බව වාර්තා වේ.
එම සාකච්ජාවට ජනාධිපතිවරයාට අමතරව පොහොට්ටුව පාර්ශ්වයෙන් බැසිල් රාජපක්ෂ, ජී.එල්. පීරිස්, සංජීව එදිරිමාන්න, සාගර කාරියවසම් යන මහත්වරුන් සහභාගී වී ඇති අතර ස්වාධීන කණ්ඩායමේ පාර්ශ්වය නියෝජනය කරමින් නිමල් සිරිපාල ද සිල්වා, අනුර ප්රියදර්ශන යාපා, විමල් වීරවංශ, උදය ගම්මන්පිල, ටිරාන් අලස් යන මහත්වරුන් එක්ව සිටි බව දැනගන්නට තිබේ.
මීට පෙර අන්තර්වාර ආණ්ඩුවක් පිහිටුවීම කෙරෙහි අවධානය යොමුව තිබුණද මෙම සාකච්ජාවේදී එය ජාතික එකගතා ආණ්ඩුවක් යනුවෙන් වෙනස් කොට තිබේ.
එහිදී බැසිල් රාජපක්ෂ මහතා පෙන්වා දී ඇත්තේ කුමන නමකින් බිහි කළද එය පොහොට්ටු පක්ෂයේ ප්රධානත්වයෙන් සිදුවිය යුතු බවකි.
කෙසේවෙතත් නව ආණ්ඩුවේ අගමැතිවරයා කව්රුන්ද හෝ ඇමැතිවරු කව්රුන්ද හෝ එහි සංයුතිය කෙසේ විය යුතුද යන්න සම්බන්ධයෙන් කිසිවක් සාකච්ජා වී නොමැති බවද දැනගන්නට ඇත.
