ජනතාවට මෙතරම් පිඩාවක් ගෙනදුන් වත්මන් රජයේ සිටිමින් තමන්ට තනතුරු දරන්න අවශ්යතාවයක් නොමැති නිසා රජයට ලබාදුන් සහයෝගයෙන් ඉවත් විමට ලංකා කම්කරු කොන්ග්රසය තිරණය කල බව පක්ෂ මහ ලේකම් නුවරඑළිය දිස්ත්රික් පා.ම ජිවන් තොණ්ඩමන් පවසනවා.
අද (01) දිනට යෙදි ඇති ජාත්යන්තර කම්කරු දින උත්සවයේදී තම පක්ෂයේ සමාජිකයන්ගේ සහභාගිත්වයෙන් කොටගල ලංකා කම්කරු කොන්ග්රස් මුලස්ථානයේ පැවති රැළිය අමතමින් මන්ත්රීවරයා මේ බව කියා සිටියා.
“අපිත් ඔබත් මේ රටේ ජනාධිපතිවරයා සහ අගමැතිවරයා කෙරෙහි පුර්ණ විශ්වාසයක් තබලා තමයි කටයුතු කරේ. නමුත් එම විශ්වාසය මේ වන විට සම්පුර්ණයෙන්ම බිද වැටිලා තියෙද්දි අපි කොහොමද රජයට සහයෝගය දක්වන්නේ? වරදක් කරාම එයට සමාව ලබාදෙන්න පුළුවන් , එම වරදම අවස්තා කිහිපයකදි සිදු කරනවා නම් එවාට සමාව දෙන්නේ කොහොමද?අද සමහරුන් අපිට විවේචනය කරනවා , අපි මේ රජය පත් කරන්න කටයුතු කරපු අය කියලා.විවේචන කර කර ඉදලා වැඩක් නැ , අපි සියළු දෙනා එකට එකතු වෙලා කටයුතු කලොත් තමයි වතුකරයේ ජනතාවගේ ගැටළු වලට විසදුම් ලබාදෙන්න පුළුවන්” යැයි නුවරඑළිය දිස්ත්රික් පා.ම ජිවන් තොණ්ඩමන් වැඩිදුරටත් කියා සිටියා.
එමෙන්ම ඔහු කියා සිටියේ රාජපක්ෂලා සමග පැවති වසර 15ක සම්බන්ධය අද දින සිට නැවැත්වීමට පියවර ගන්නා බවකි.
