ලිට්රෝ සමාගම සතු ගෑස් තොග අවසන්වීම හේතුවෙන් ඊයෙ දින සිට මෙරට වෙළෙඳපොළට ගෑස් නිකුත් කිරීම සම්පූර්ණයෙන්ම නැවතී ඇත.
ගෑස් ආනයනය කිරීම සඳහා මුදල් නොමැති වීම ඊට හේතු වී තිබේ.
ගෑස් මිල වැඩි කිරීමට අවස්ථා ගණනාවකදී අවසර ඉල්ලුවද දිගින් දිගටම ගෑස් මිල වැඩි කිරීමට මුදල් අමාත්යාංශය අවසර ලබා නොදීම හේතුවෙන් මේ වන විට ලිට්රෝ සමාගම දැඩි අසීරුතාවට පත්ව ඇති බව වාර්තා වේ.
ඒ අනුව මේ වන විට මෙරටට ගෑස් ආනයනය කරන සමාගම වෙත ලබා දීමට ඇති ඩොලර් මිලියන 10ක ණය මුදල ගෙවා දැමීමෙන් පසුව පමණක් යළි ගෑස් ලබාදීමට එම සමාගම එකඟත්වය පළ කර ඇති බව පැවසේ.
මේ වන විට මුදල් අමාත්යාංශය සහ මහ බැංකුව එක්ව දේශීය බැංකුවකින් 16%ක පොලියකට ඩොලර් මිලියන 10ක ණයක් ඒ සඳහා ලබාගැනීමට කටයුතු සූදානම් කරමින් ඇති බවද වාර්තා වේ.
එම ණය මුදල ලබා ගැනීමට හැකි වුවහොත් යළි ගෑස් ආනයනය කිරීමට හැකි වනු ඇති බව සමාගමේ ජ්යෙෂ්ඨ ප්රකාශකයෙකු සදහන් කොට ඇත.
එම ණය මුදල කඩිනමින් ලබා ගැනීමට හැකි වුවහොත්බොහෝවිට එළඹෙන 18 වන සදුදා දින සිට යළි මෙරට වෙළෙඳපොළට ගෑස් නිකුත් කිරීමට හැකියාවක් පවතින බව ලිට්රෝ සමාගමේ ජේෂ්ඨ ප්රකාශකයෙකු සඳහන් කොට තිබේ.
කෙසේ වුවත් අලුත් අවුරුද්ද උදාවීමට දිනයක් ඉතිරිව තිබියදීත් ගෑස් පෝලිම්වල පාරිභෝගික ජනතාව විශාල ප්රමාණයක් රැදී සිටින බව දැකගැනීමට පුලුවන.
