යම් හෙයකින් අන්තර්වාර පාලනයක් පිහිටුවහොත් අමාත්ය ධූරයක් ලබා දෙන ලෙස ඉල්ලා විපක්ෂය නියෝජනය කරන එක්තරා කණ්ඩායමක දේශපාලකයකු ආණ්ඩුවේ ස්වාධින කණ්ඩායම නියෝජනය කරන විමල් වීරවංශ, උදය ගම්මන්පිල සහ ටිරාන් අලස් යන පාර්ලිමේන්තු මන්ත්රීවරුන් පසුපස වැටී ඇති බව විශ්වාස කටයුතු ආරංචිමාර්ග සදහන් කරයි.
ඒ අනුව පසුගිය දින කිහිපය පුරාම මෙම දේශපාලඥයා විසින් අදාළ මන්ත්රීවරුන් තිදෙනා හට දිගින් දිගටම දුරකතන ඇමැතුම් ලබා දී ඇති බව දැනගන්නට තිබේ.
පසුව මෙය කරදරයක් වීම නිසාම අදාළ මන්ත්රීවරුන් තිදෙනා මෙම දේශපාලඥයාගේ ඇමතුම්වලට ප්රතිචාර දක්වා නැති බව වාර්තා වේ.
පසුව මෙම මන්ත්රීවරයා තම කණ්ඩායම නියෝජනය කරන අයකු උදය ගම්මන්පිල මහතාගේ නිවෙසට පවා යවා ඇති බවද දැනගන්නට ඇත.
