අද රාත්රියේ අගමැති මහින්ද රාජපක්ෂ මහතා අග්රාමාත්ය ධුරයෙන් ඉවත්වීමට තීරණය කොට ඇති බව ආණ්ඩුවට සමීප විශ්වාස කටයුතු ආරංචිමාර්ග සදහන් කරයි.
එම ආරංචිමාර්ග පෙන්වා දෙන්නේ බැසිල් රාජපක්ෂ මහතා මුදල් අමාත්ය ධූරයෙන් ඉවත් වීමට අකැමැත්ත ප්රකාශ කිරීමත් සමග මෙසේ අගමැතිවරයා සිය තනතුරින් ඉල්ලා අස්වීමට තීරණය කොට ඇති බවකි.
ඒ සමගම ව්යවස්ථානුකූලව අමාත්ය මණ්ඩලයම අහෝසි වී යනු ඇත.
ඉන් අනතුරුව යළිත් වතාවක් හෙට දිනයේදී මහින්ද රාජපක්ෂ මහතා අගමැතිවරයා වශයෙන් දිවුරුම් දී නව කැබිනට් මණ්ඩලයක් පත්කිරීමට නියමිත බව පැවසේ.
කෙසේවෙතත් හෙට පත් කෙරෙන නව කැබිනට් මණ්ඩලයට කිසිදු රාජපක්ෂවරයෙක් ඇතුළත් නොකෙරෙනු ඇති බව වාර්තා වේ.
ඊට ඇමැතිවරු 15 දෙනෙක් පත්කෙරෙනු ඇති බව සදහන්ය.
එමෙන්ම මේ වනවිට විශේෂ සාකච්ජාවක් සදහා අද රාත්රියේ අගමැතිවරයා සියලුම කැබිනට් ඇමැතිවරුන් අරලිය ගහ මන්දිරයට කැදවා ඇති බව දැනගන්නට ඇත.
