ජනාධිපති ගෝඨාභය රාජපක්ෂ මහතා අගමැති මහින්ද රාජපක්ෂ මහතා හැරුණු විට රාජපක්ෂ පවුල නියෝජනය කරන සියලුම ඇමැතිවරුන් සිය තනතුරු අත්හැරීමට තීරණය කොට ඇති බව දැනගන්නට තිබේ.
ඒ අනුව අගමැති මහින්ද රාජපක්ෂ මහතා යටතේ නව අමාත්ය මණ්ඩලයක් පත් කොට ආණ්ඩුව තවදුරටත් පවත්වාගෙන යාම කෙරෙහි ආණ්ඩුවේ ප්රධානීන්ගේ සැලසුම වී ඇති බව වාර්තා වේ.
මෙම සැලසුම යටතේ මුදල් අමාත්ය බැසිල් රාජපක්ෂ, වාරිමාර්ග අමාත්ය චමල් රාජපක්ෂ, ක්රීඩා අමාත්ය නාමල් රාජපක්ෂ, රාජ්ය අමාත්ය ශෂීන්ද්ර රාජපක්ෂ යන මහත්වරුන් සිය තනතුරුවලින් ඉල්ලා අස්වීමට නියමිත බව දැනගන්නට ඇත.
මෙම තත්ත්වය යටතේ ඊට අදාළ අවසන් තීන්දුව අද පස්වරුවේ ගැනීමට නියමිත බව දැනගන්නට තිබේ.
