ආරක්ෂක අමාත්ය ධූරය මේ වනතෙක් කිසිවකුට ලබා නොදීම නිසා එම අමාත්ය ධූරය තවමත් හිස්ව පවතින බව දැනගන්නට ඇත.
ජනාධිපතිවරයාට ව්යවස්ථාවට අනුව සේනාධිනායකයා වශයෙන් රාජකාරී කළ හැකි වුවද 19 වැනි සංශෝධනයට අනුව කිසිදු අමාත්ය තනතුරක් ජනාධිපතිවරයා හට දැරිය නොහැක.
පසුගියදා 15 දෙනකුගෙන් යුත් අමාත්ය මණ්ඩලයක් පත් කළද ආරක්ෂක අමාත්ය ධූරය කිසිවකුටත් ලබාදීමට පියවර ගෙන නොතිබීම නිසා මේ වනවිට එම රාජකාරී කටයුතු සිදුවන්නේ ආරක්ෂක අමාත්යවරයකු නොමැතිවය.
කෙසේවෙතත් පාර්ලිමේන්තුවේදී ආරක්ෂාව සම්බන්ධයෙන් විමසන ප්රශ්නවලට පිළිතුරු දීම සදහා රාජ්ය ආරක්ෂක ඇමැතිවරයකු හෝ නියෝජ්ය ආරක්ෂක ඇමැතිවරයකු පත් කිරීමට සැලසුම් කර ඇති බව කියවේ.
ජනාධිපතිවරයා ඊයේ (23) දිනයේදී රට පුරා ආරක්ෂාව මුල්කරගෙන සන්නද්ධ හමුදාව යොදවන අතිවිශේෂ ගැසට් නිවේදනය නිකුත් කොට තිබුණේ සේනාධිනායකයා වශයෙන් තමන්ට පවරා ඇති බලතල ප්රකාරවය.
