ඉන්දියාවෙන් ඩොලර් බිලියන 1.5 ක ණය මුදලක් ලබා ගැනීමට රජය සැලසුම් කරමින් සිටින බව සතිඅන්ත පුවත්පතක් වාර්තා කොට ඇත.
මේ පිළිබදව සාකච්ජා කිරීමට මුදල් අමාත්ය බැසිල් රාජපක්ෂ මහතා දෙසැම්බර් මාසයේ මුල් සතියේ දී ඉන්දියාව බලා පිටත්වීමට නියමිත බව ‘ද මෝනින්ග්’ පුවත්පත පවසා තිබේ.
ඉන්දීය සංචාරයේ දී බැසිල් රාජපක්ෂ මහතා ඉන්දීය අග්රාමාත්යවරයා සහ එරට මුදල් අමාත්යවරයා ඇතුළු රජයේ ඉහළ නිළධාරීන් මුණ ගැසීමට නියමිත ය.
ඊට අමතරව, ඉන්දීය ආයෝජකයන් මෙරටට ගෙන්වා ගැනීම සම්බන්ධයෙන් ද සාකච්ඡුා කෙරෙනු ඇතැයි පුවත්පත පවසයි.
ලංකාව මුහුණ දී සිටින විදේශ විනිමය අර්බුදය ජාත්යන්තර මූල්ය අරමුදලට නොයා විසදා ගැනීමේ මාර්ගයක් ලෙස ඉන්දියාවෙන් මෙසේ ඩොලර් බිලියන 1.5 ක ණයක් ලබා ගැනීම කෙරෙහි රජයේ අවධානය යොමුව තිබේ.
මේ වන විට ශ්රී ලංකාව මාසිකව උපයන අපනයන ආදායම ඩොලර් බිලියන 1 කි.
මෙරටට අත්යවශ්ය භාණ්ඩ ආනයනය කිරීම සදහා යන වියදම ඩොලර් බිලියන 1.3 කි.
ඉන්දියාවෙන් ඩොලර් බිලියන 1.5 ක ණයක් ලබා ගැනීමට රජය සැලසුම් කර තිබෙන්නේ මෙම වෙළද හිගය තවත් මාස පහක කාලයකට හෝ පියවා ගැනීම සදහා ය.
