අයවැය ලේඛනයෙන් ඉහළ දැමූ සුරාබදු අද (13) සිට ක්රියාත්මක වන බව සුරාබදු දෙපාර්තමේන්තුව දෙපාර්තමේන්තුවේ මාධ්ය ප්රකාශක සුරාබදු කොමසාරිස් (නීති ක්රියාත්මක කිරීම්) කපිල කුමාරසිංහ මහතා පැවසීය.
එම බදු ඉහල දැමීම අනුව විශේෂ අරක්කු සඳහා පනවා තිබූ බද්ද රුපියල් 3,800 සිට 4,180 දක්වා රුපියල් 380 කින් ද, මොලෑසස්, තල් අරක්කු, පොල් අරක්කු සහ පදම් කළ අරක්කු මත බද්ද රුපියල් 410 කින් ඉහළ දැමූ බවත් දේශීයව නිෂ්පාදනය කරන විදේශීය අරක්කු වන විස්කි, බ්රෑන්ඩි, ජිම් සහ රම් වැනි අරක්කු සඳහා පනවා තිබෙන බද්ද 4,150 සිට 4,570 දක්වා රුපියල් 420 කින් ද ඉහළ දැමූ බවත් කුමාරසිංහ මහතා කීය.
සැර ප්රමාණය සියයට 5 ට අඩු බියර් රුපියල් 100 කින්ද සැර ප්රමාණය සියයට 5 ට වැඩි බියර් රුපියල් 250 කින්ද ඉහළ දැමූ බවත් ආනයනික වයින් සඳහා බද්ද 3,300ක් දක්වා වැඩි කළ බවත් මහතා සදහන් කළේය.
විශේෂ අරක්කු මිලිලීටර 750 බෝතලයක් සඳහා බදු රුපියල් 96.14 කින් ද, වෙනත් අරක්කු රුපියල් 103.73 කින් කින් ද බදු ඉහළ දැමූ බව කී කුමාරසිංහ මහතා දේශීය නිෂ්පාදන විදේශ වයින් මිලිලීටර 750 ක බෝතලයක බද්ද රුපියල් 126.84කින් ඉහළ දමා ඇති බවත් සඳහන් කළේය.
මෙම බදු ඉහළ දැමීමත් සමග සැර ප්රමාණය සියයට 5 ට වඩා අඩු බියර් බෝතලයක් රුපියල් 3.10 කින් ද, සැර ප්රමාණය සියයට 5 ට වඩා වැඩි බියර් බෝතලයක් රුපියල් 14.00 කින් බදු වැඩි කර ඇතැයි ද කුමාරසිංහ මහතා වැඩිදුරටත් පැවසීය.
