ඇතැම් ප්රධාන පක්ෂවල ඇති ගැටුම් ප්රසිද්ධියේ එළියට දමමින් නව දේශපාලන පක්ෂ පිහිටුවීම සදහා ශ්රී ලංකා මැතිවරණ කොමිෂන් සභාවට ඉදිරිපත් වන ඉල්ලුම්පත්රවල වැඩිවීමක් දක්නට ලැබෙව බව එම කොමිසමේ ආරංචිමාර්ග සදහන් කරයි.
එම ආරංචි මාර්ග පවසන්නේ ශ්රී ලංකාවේ මේ වන විට ලියාපදිංචි වී ඇති දේශපාලන පක්ෂ සංඛ්යාව ඉන්දියාවද ඉක්මවා ගොස් ඇති බවයි.
ශ්රී ලංකාව තුළ දැනටමත් දේශපාලන පක්ෂ 70ක් ලියාපදිංචි වී ඇති බව ගණන් බලා ඇති අතර පසුගිය වසරේ පමණක් තවත් අයැදුම්පත් 200ක් ලැබී ඇත.
නමුත් ඉන් 5කට පමණක් කොමිසමේ අනුමැතිය ලැබී තිබේ.
සාමාන්යයෙන් සෑම වසරකම ජුනි මාසයේදී අයදුම්පත් කැඳවනු ලබන අතර අයදුම්පතක් ප්රතික්ෂේප වූ පසු තවත් වසර දෙකක් යනතුරු ඔවුන්ට නැවත අයදුම් කළ නොහැක.
පළාත් සභා මැතිවරණය ඇතුළු ඉදිරි මැතිවරණවලදී තනිව තරග කරන බවට දැනටමත් ඉඟි කර ඇති ආණ්ඩුවේ හවුල්කාර පාර්ශ්වකරුවෙකු වන ශ්රීලනිපය නියෝජනය කරන එහි ප්රාදේශීය සභා මන්ත්රීවරයෙකු අලුතින් පක්ෂයක් පිහිටුවීමට ඉල්ලීමක් කොට ඇත.
ඒ, ඉලංකෙයි තමිලර් සුදන්තිර මුන්නානි නමින් නව පක්ෂයක් සදහා අයදුම් කිරීම මගිනි.
අයදුම්පත ඉදිරිපත් කර ඇති මන්ත්රීවරයා ශ්රීලනිප පාර්ලිමේන්තු මන්ත්රී අංගජන් රාමනාදන්ගේ පියා වන සතාසිවම් රාමනාදන් වන අතර හෙතෙම මන්ත්රීවරයාගේ පෞද්ගලික ලේකම්වරයා ද වේ. දැනට ශ්රී ලංකා නිදහස් පක්ෂය නියෝජනය කරමින් යාපනයේ ප්රාදේශීය සභාවක මන්ත්රීවරයෙක් ලෙසද ඔහු කටයුතු කරයි.
මහ මැතිවරණයෙන් ශ්රී ලංකා නිදහස් පක්ෂයට ආසනයක් දැනටමත් හිමිව තිබූ උතුරේ නව දේශපාලන පක්ෂයක් ලියාපදිංචි කිරීම සඳහා මෙම අයදුම්පත ඉදිරිපත් කර ඇති බව ආරංචි මාර්ග සඳහන් කරයි. මේ හරහා ශ්රීලනිප පහළ ශ්රේණිවල භේදයක් සනිටුහන් කර ඇති බව ආරංචි මාර්ග පවසයි.
