ඉන්දියාවෙන් නයිට්රජන් දියර පොහොර ගෙන්වීමේදී පෞද්ගලික ගිණුමකට රුපියල් කෝටි 29කට අධික මුදලක් රාජ්ය බැංකුවක් හරහා ගෙවා ඇති බව ජනතා විමුක්ති පෙරමුණේ පාර්ලිමේන්තු මන්ත්රී විජිත හේරත් මහතා පැවසීය.
එහිදී ඒ මහතා පෙන්වා දුන්නේ ජනාධිපති ලේකම් පී.බී. ජයසුන්දර මහතාගේ දැනුම් දීමකට අනුව මෙම ගෙවීම සිදුකර ඇති බවත්, එම ගිණුමද ඉකුත් 18 වැනි දින විවෘත කළ එකක් බවත්ය.
කෙසේවෙතත් මෙම පුවත අද දින පුවත්පතක් සිය මුල් පුවත ලෙස පළ කොට ඇති අතර පුවත පළවීමෙන් පසු පී.බී. ජයසුන්දර මහතා එම පුවත ප්රතික්ෂේප කරමින් නිවේදනයක් නිකුත් කළ අතර ඒ සම්බන්ධයෙන් වහාම පරීක්ෂණයක් පවත්වන ලෙස පොලිස්පතිවරයාගෙන් ඉල්ලීමක්ද කර තිබිණ.
ඒ අනුව අද දින අදාළ පුවත්පතේ කර්තෘවරයා අපරාධ පරීක්ෂණ දෙපාර්තමේන්තුවට කැදවීමට පියවර ගෙන ඇත.
පහතින් පළවෙන්නේ විජිත හේරත් මහතා කළ එම හෙළිදරව්ව සහ කෘෂිකර්ම අමාත්ය මහින්දානන්ද අලුත්ගමගේ මහතා ඊට ලබා දුන් පිළිතුරය.
