ශ්රී ලංකා හිටපු ටෙස්ට් ක්රිකට් නායක කුමාර් සංගක්කාර සභාපතීත්වය දැරු මාර්ලිබෝන් ක්රීඩා සමාජයේ නව සභාපතීත්වය සදහා කාන්තාවක් තෝරා ගැනීමට සංගක්කාර පියවර ගෙන ඇත.
ඒ, එංගලන්ත හිටපු ක්රිකට් නායිකාවක් වන ක්ලෙයාර් කොනෝර්ය.
වසර 233ක දීර්ඝ ඉතිහාසයක් ඇති මාර්ලිබෝන් ක්රිකට් සමාජයේ සභාපතීත්වයට කාන්තාවක් පත්වූ පළමු අවස්ථාව මෙය වේ.
2019 වසරේදී එම ක්රිකට් සමාජයේ සභාපතීත්වයට කුමාර් සංගක්කාර පත්කෙරුණු අතර ඔහුගෙන් පසු එහි සභාපතීත්වය හිමිවිය යුත්තේ කවුරුන්ද යන්න සංගක්කාර විසින් නම් කළ යුතු විය.
ඒ අනුව, මාර්ලිබෝන් ක්රිකට් සමාජයේ වාර්ෂික මහ සභා රැස්වීමදී වර්තමාන සභාපති සංගක්කාර විසින් ඉදිරි වසරේ සභාපතිධුරය වෙනුවෙන් එංගලන්ත වෙනුවෙන් පළමුවරට අළුබදුන ක්රිකට් ශූරතාව දිනු ක්ලෙයාර් කොනෝර්ගේ නම යෝජනා කරනු ලැබීය.
ඇයගේ නම 2020 වසරේදී සංගක්කාර විසින් යෝජනා කර තිබුණත් ලෝව පුරා පවතින කොවිඩ් වසංගතය හේතුවෙන් ඇයට රාජකාරි ආරම්භ කිරීමට හැකි වූයේ නැත.
එංගලන්ත කාන්තා ක්රිකට් කණ්ඩායමේ නායිකාව ලෙස කටයුතු කළ ක්ලෙයාර් ගේ නායකත්වයෙන් 2005 වසරේදී එංගලන්තය සිය කුළුදුල් අළුබදුන ජයග්රහණය හිමි කර ගැන්මට සමත් විය.
