ජනතාව පීඩාවට පත් කිරීමට එකගව ඊයේ විශ්වාසභංගයේදී ඡන්දය දුන් මන්ත්රීවරුන් ගැන ජනතාවම තීන්දුව ගනු ඇතැයි විපක්ෂ නායක සජිත් ප්රේමදාස මහතා පැවසීය.
තෙල් මිල ඉහළ දමමින් ජනතාවට පීඩාවට පත් කළ ආණ්ඩුවේ ඇමතිවරයාට එරෙහිව සමගි ජන බලවේගය විශ්වාසභංග යෝජනාව රැගෙන ආ බවත් ඊට එරෙහිව ඡන්දය පාවිච්චි කළ මහජන නියෝජිතයින් ජනතාවගේ ඡන්දය ලබා ගැනීමට ඉදිරියේදී පැමිණෙන විට ඊට කදිම පිළිතුරු ලබා ලබා දෙන්න ඇයි ද ඒ මහතා ඉල්ලා සිටියේය
“මර්ධනයට යටත් නොවෙමු, රට වනසන ජන පීඩක ආණ්ඩුව එලවමු.” මැයෙන් සමගි ජන බලවේගය විසින් සංවිධානය කරනු ලැබූ උද්ඝෝෂණයක් අද (21) දිවුලපිටිය ඔරලෝසු කනුව ඉදිරිපිට දී පැවැත්විණි.
විපක්ෂ නායක සජිත් ප්රේමදාස මහතාගේ ප්රධානත්වයෙන් පැවැති එම උද්ඝෝෂණයට සමගි ජන බලවේගය නියෝජනය කරන දේශපාලන පක්ෂ නායකයින් ඇතුළු විශාල පිරිසක් එක්ව සිටියහ.
මර්ධනකාරී ආණ්ඩුවට එරෙහිව සමගි ජනබලවේගය රටපුරා සංවිධානය කරනු ලබන උද්ඝෝෂණ මාලාවේ තවත් එක් පියවරක් ලෙස අද උද්ඝෝෂණය පැවැත්විණි.
