විශේෂඥ වෛද්ය පාදෙණිය වසංගත රෝග අංශය ගැන දන දෙයක් නොමැති බවත් ඔහු රාජපක්ෂ ජනාධිපතිවරයාට අවශ්ය දේ කතාකරන නාට්ටාමියෙක් බවත් හිටපු සෞඛ්ය අමාත්ය රාජිත සේනාරත්න මහතා පැවසීය.
ජනාධිපති මන්දිරයේ පැවති සාකච්ඡාවේදී පාදෙණිය මහතා දැක්වූ ප්රකාශය සම්බන්ධයෙන් අදහස් දක්වමින් ඒ මහතා මේ බව පැවසීය.
මේ වනවිට රජයේ වෛද්ය නිලධාරීන්ගේ සංගමයට (GMOA) අනුව වැඩකිරීමට ගොස් සමස්ථ සෞඛ්ය අංශයම කඩාවැටී ඇති බවත් තමන්ද ඔවුන් සමඟ කටයුතු කළේනම් තත්වය මෙය බවද ඒ මහතා පැවසීය.
මෙහිදී සිදුවන්නේ රජයේ වෛද්ය නිලධාරීන්ගේ සංගමය ගොඩනැගෙන බවත් සෞඛ්ය අමාත්යාංශයේ කඩා වැටීම බවත් හිටපු සෞඛ්ය අමාත්යවරයා පැවසීය.
ජනාධිපති ගෝඨාභය රාජපක්ෂ මහතා ඊයේ පැවසූ මරණ සංඛ්යාව සම්බන්ධයෙන් ගැටලුව පිළිබඳවද මෙහිදී රාජිත සේනාරත්න මහතා අදහස් දැක්වීය.
