සමගි ජන බලවේගය විසින් ක්රියාත්මක “විපක්ෂයෙන් හුස්මක්” වැඩසටහනට සමගාමීව සුවපත් දේශයක් බිහි කිරීම අරමුණු කොටගෙන ‘ජන සුවය’ ව්යාපෘතියෙන් සිදුකරන ලද සමාජ සත්කාර වැඩසටහනෙහි 14 වන පියවර ලෙස රුපියල් හතළිස් හය ලක්ෂ පනස් දහසක් (රු. 4,650,000.00) වටිනා රෝහල් උපකරණ අද (15) ගම්පහ මහ රෝහලට පරිත්යාග කරනු ලැබීය.
විපක්ෂ නායක සහ සමගි ජන බලවේගයේ නායක සජිත් ප්රේමදාස මහතාගේ ප්රධානත්වයෙන්, රු. හාරලක්ෂ පනස්දහසක් (රු. 450,000.00) වටිනා Multipara Monitors යන්ත්ර 03ක්, රු. දහතුන් ලක්ෂ පනස් දහසක් (රු. 1,350,000.00) වටිනා Optiflow Nasal Therapy යන්ත්ර 02 ක් සහ රු. ලක්ෂ හයක් වටිනා (රු. 600,000.00) Centralized Oxygen Delivery System යන්ත්ර 01 ක් මෙලෙස ගම්පහ මහ රෝහලට පරිත්යාග කරනු ලැබීය.
මෙහිදී රුපියල් ලක්ෂ 6ක් වටිනා Oxygen Delivery System යන්ත්රය ලබා දීමට අවශ්ය ප්රතිපාදන වෙන් කළේ සමගි ජන බලවේගයේ අමෙරිකා එක්සත් ජනපද ශාඛාව ය.
කොරෝනා ව්යසනය හේතුකොටගෙන පීඩාවට පත් ජනතාවට සෞඛ්යමය සහන සලසනු වස් සමගි ජන බලවේගයේ මන්ත්රී කණ්ඩායම, සංවිධායකයින්, සාමාජිකයින්, සමගි ජන බලවේගයේ විදේශීය ශාඛා, දෙස් විදෙස් ආධාරකරුවන් සහ “ජනසුවය” ව්යාපෘතිය එක්ව “විපක්ෂයෙන් හුස්මක්” වැඩසටහන ක්රියාත්මක කෙරේ.
