දිවයින පුරා පැතිර යන කොවිඩ්-19 වසංගත තත්ත්වය හේතුවෙන් බදුල්ල දිස්ත්රික්කයෙන් හඳුනාගන්නා ආසාදිතයින් සඳහා ප්රතිකාර කිරීම සඳහා යුද්ධ හමුදා සාමාජිකයන් විසින් බදුල්ල දිස්ත්රික්කයේ ශ්රී ලංකා ගමනාගමන මණ්ඩලයට අයත් ගොඩනැගිල්ලක් අතරමැදි ප්රතිකාර මධ්යස්ථානයක් ලෙස ස්ථාපනය කරන ලදී.
එම අතරමැදි ප්රතිකාර මධ්යස්ථානයත ආරක්ෂක සේනා ආඥාපති – මධ්යම මේජර් ජෙනරල් රංජන් ළමාහේවාගේ ප්රධානත්වයෙන් සෞඛ්ය බලධාරීන් වෙත ලබාදෙන ලදී.
ආරක්ෂක සේනා ආඥාපති – මධ්යම මේජර් ජෙනරල් රංජන් ළමාහේවාගේ සහ 11 වන සේනාංකයේ සේනාංකාධිපති මේජර් ජෙනරල් කිත්සිරි ලියනගේ ගේ මඟපෙන්වීම යටතේ 112 වන බලසේනාවේ බලසේනාධිපති බ්රිගේඩියර් අනුර දිසානායක ගේ අධීක්ෂණය යටතේ යුද්ධ හමුදා සාමාජිකයන් විසින් ඉතා කෙටි කාලයක් තුළ බදුල්ල ශ්රී ලංකා ගමනාගමන මණ්ඩලය භාරයේ ඇති ඇගලුම් කර්මාන්ත ශාලා ගොඩනැගිල්ල නව අතරමැදි ප්රතිකාර මධ්යස්ථානයක් ලෙස ස්ථාපනය කරන ලදී.
කොවිඩ්-19 ආසාදිතයින් සඳහා ප්රතිකාර කිරීම සඳහා බදුල්ල දිස්ත්රික්කයේ දැනට පවත්වාගෙන යනු ලබන ඇදන් 200 කින් සමන්විත බිදුනුවැව අතරමැදි ප්රතිකාර මධ්යස්ථානය සහ ඇදන් 190 වකින් සමන්විත කහගොල්ල අතරමැදි ප්රතිකාර මධ්යස්ථානයට අමතරව ස්ථාපිත කළ මෙම නව අතරමැදි ප්රතිකාර මධ්යස්ථානය ඇදන් 260 කින් සමන්විත වේ.
මෙම අතරමැදි ප්රතිකාර මධ්යස්ථානය රෝගීන් සඳහා නවාතැන්, වෛද්ය, සනීපාරක්ෂක සහ විනෝදාස්වාද (රූපවාහීනි) පහසුකම්වලින් ද සමන්විත වේ.
මෙම අතරමැදි ප්රතිකාර මධ්යස්ථානය ස්ථාපිත කිරීම සඳහා ඌව පළාත් සභාව, පළාත් සභා මන්ත්රිවරුන්, බදුල්ල නගරසභා බලධාරීන්, බදුල්ල දිස්ත්රික් ලේකම් සහ එහි කාර්ය මණ්ඩලය, ප්රාදේශීය කළමනාකරු සහ බදුල්ල ශ්රී ලංකා ගමනාගමන මණ්ඩලයේ කාර්ය මණ්ඩලයේ දායකත්වය හිමි විය.
මෙම අතරමැදි ප්රතිකාර මධ්යස්ථානය සෞඛ්ය අංශය වෙත භාරදීමේ අවස්ථාව සඳහා බදුල්ල පළාත් සභාවේ ප්රධාන ලේකම් පී.බී විජේරත්න, ප්රාදේශීය සෞඛ්ය සේවා අධ්යක්ෂ වෛද්ය හේමන්ත සිල්වා, මහජන සෞඛ්ය පිළිබඳ විශේෂඥ වෛද්ය නිමල් ගමගෙදර, 11 වන සේනාංකයේ සේනාංකාධිපති මේජර් ජෙනරල් කිත්සිරි ලියනගේ සහ 112 වන බලසේනාවේ බලසේනාධිපති බ්රිගේඩියර් අනුර දිසානායක සහභාගී වූහ.
