පාම් තෙල් ආනයනය තහනම කිරීමට රජය ගත් තීරණය සම්බන්ධයෙන් මැලේෂියා සහ ඉන්දුනීසියා තානාපතිවරුන් මතු කර ඇති විරෝධය හමුවේ එය අත්හිටුවීමට රජය තීරණය කර ඇත.
වෙළඳ අමාත්ය බන්දුල ගුණවර්ධන මහතා සඳහන් කරන්නේ මැලේෂියා හා ඉන්දුනීසියා තානාපතිවරුන් තමන් අමතා අදාළ තහනම සම්බන්ධයෙන් විරෝධය පළ කර බවත්, එම තහනම ලෝක වෙළඳ සංවිධානයේ එකගතා උල්ලංඝනය කිරීමක් බවට තානාපතිවරුන් දෙදෙනා සඳහන් කළ බවත්ය.
ඒ අනුව ගුණාත්මක සහ පිරිසිදු පාම් තෙල් ආනයනය කිරීමට අවසර දීමට එකග වූ බවද අමාත්යවරයා පෙන්වා දී ඇත.
