සහල් කිලෝ ග්රෑම් තුනක් එක් පවුලක පරිභෝජනය සඳහා සති දෙකක කාලයකට ප්රමාණවත් බව වෙළඳ අමාත්ය ආචාර්ය බන්ධුල ගුණවර්ධන මහතා පවසයි.
“සතොසට පැමිණෙන පාරිභෝගිකයන්ට අවුරුදු දීමනාවක් වශයෙන් සහන මල්ලක් අපි ලබාදෙනවා. සමාජ මාධ්ය හරහා සමහරවිට අපි මේ භාණ්ඩ වර්ග 12ක් රුපියල් 1000ක් වැනි ඉතාම තරගකාරී මිලකට ලබාදීම කරණකොට ගෙන මුළු රටේම ව්යාපාරික ක්ෂේත්රය විශාල කැළඹීමකට පත්වෙලා, වෙනත් ආයතන එම භාණ්ඩ ටික ඊට වඩා අඩුමිලට ගන්න පුළුවන් කියලා මිල ගණන් දක්වනවා. එහිදී මම ඉතාම වගකීමෙන් සඳහන් කරනවා අපි මේ භාණ්ඩ මල්ල සපයලා තියෙන්නෙ රජය වශයෙන් වගකීමක් සහිතව ගුණාත්මක භාවයෙන් ඉහළ භාණ්ඩ වෙළඳපොලේ පවතින මිලට වඩා අඩු මිලකට.
ප්රශ්නය – ඇමතිතුමනි, මේ සහන මල්ල එක පවුලකට එකයිද ගන්න පුළුවන් ?
පිළිතුර – දැනට එකයි ගන්න පුළුවන්, මොකද මේ එක පවුලකට සාමාන්යයෙන් හාල් කිලෝම තියෙනවානෙ තුනක්. සීනි කිලෝවක්. මේ කාල පරිච්ඡේදය සති දෙකක වගේ කාලයකට ප්රමාණවත් වෙනවා කියලා අපි හිතන්නෙ පවුලකට” යනුවෙනුයි ඒ මහතා සඳහන් කළේ.
අමාත්ය බන්ධුල ගුණවර්ධන මහතා මේ බව පැවසුවේ ඊයේ (05) වෙළඳ අමාත්යාංශයේ පැවති විශේෂ මාධ්ය හමුවක් අමතමිනි.
රුපියල් 2500කින් පුද්ගලයෙකුට මාසයක් ජීවත්විය හැකි බවට මීටපෙර ප්රකාශ කර තිබුණේ ද ආචාර්ය බන්ධුල ගුණවර්ධනයන් විසිනි.
