පරිසර අමාත්යාංශයෙන් ක්රියාත්මක කිරීමට යෝජිත ගංගා සුරකිමු මහා ව්යාපෘතියේ පළමු අදියර ලබන මාර්තු මාසයේදී දියත් කිරීමට නියමිතය.
පරිසර අමාත්යාංශයේ ලේකම් විශේෂඥ වෛද්ය අනිල් ජාසිංහ මහතා මව්රටට පැවසුවේ කඳ සුරිදු පුරවරයෙන් ගලා බස්නා කිලෝමීටර් 114ක් දිගැති මැණික් ගඟ මුල් කර ගනිමින් එම වැඩපිළිවෙළ ආරම්භ කරන බවය.
නමුණුකුළ කන්දෙන් පටන් ගෙන බුත්තල යාල කැලය මැදින් යාල 5 කොටස හරහා ගලා බස්නා මැණික් ගඟ කතරගම හරහා ගොස් නැවත යාල කැලයෙන් මහ මුහුද හා එක්වේ.
මේ සම්බන්ධයෙන් අදහස් දැක්වූ ජාසිංහ මහතා ප්රකාශ කළේ මැණික් ගඟ දෙපස යාල දක්වා ඉවුරු පිරිසිදු කොට පිරිසිදු ජල දහරාවක් යාල කැලේ ජීවත් වන සතුන්ට ලබා දීමද මෙහි එක් අරමුණක් වන බවය.
ආර්ථික පුනර්ජීවන කාර්ය සාධක බළකායේ සභාපති බැසිල් රාජපක්ෂ මහතාගේ සංකල්පයක් යටතේ ක්රියාත්මක මේ වැඩපිළිවෙළ පරිසර අමාත්ය මහින්ද අමරවී මහතාගේ අධීක්ෂණය යටතේ ක්රියාත්මක වේ.
