ලෝක කුසලාන ජයග්රාහී නායක අර්ජුන රණතුංග මහතාගෙන් ශ්රී ලංකාවේ ක්රිකට් ක්රීඩාවේ දියුණුවට සහයෝගය දෙන ලෙස ක්රීඩා අමාත්ය නාමල් රාජපක්ෂ මහතා ඉල්ලීමක් කොට ඇත.
මාතාර හි මාධ්යවේදීන් අමතමින් අමාත්ය රාජපක්ෂ මහතා කියා සිටියේ රටේ ඕනෑම ක්රීඩාවක් දේශපාලනයෙන් තොර විය යුතු බවත්, විවිධ කමිටු පත් කිරීමෙන් ක්රීඩා පිටියේ පවතින ගැටලු විසඳන්නේ නැති බවත්ය.
ශ්රී ලංකා හිටපු නායක අර්ජුන රණතුංග 2020 ලංකා ප්රිමියර් ලීග් තරගාවලියට අදාළව ඔහුට බොහෝ වටිනා උපදෙස් ලබා දී ඇති බවත්, ඒවායින් බොහොමයක් තරඟාවලිය තුළ ක්රියාත්මක වූ බවත් අමාත්ය රාජපක්ෂ මහතා තවදුරටත් අනාවරණය කළේය.
2015න් පසු ක්රිකට් ක්රීඩාව දැඩි ලෙස දේශපාලනීකරණය වී ඇති බව පෙන්වා දුන් ක්රීඩා අමාත්යවරයා, 2015 ට පෙර ලොව පුරා උත්කර්ෂයට නැංවූ ජාතික කණ්ඩායම එම වසරෙන් පසු සැලකිය යුතු ලෙස පිරිහී ඇති බව පැවසීය.
ක්රීඩා අමාත්ය නාමල් රාජපක්ෂ මහතා පැවසුවේ ක්රිකට් ක්රීඩාවට අදාළ වර්තමාන තත්ත්වය නිවැරදි කිරීම හා වැඩිදියුණු කිරීම සඳහා දිගුකාලීන සැලසුම් සකස් කර ඇති අතර ක්රීඩාවේ අනාගත ප්රගතියට බාධා කිරීමට බලපෑමක් ඇති නොවන බවට තවදුරටත් සහතික වී ඇති බව ඒ මහතා පවසයි.
