යුක්රේනයේ සිට මෙරටට පැමිණ සිටින සංචාරකයන් සංචාරක ප්රවර්ධන මණ්ඩලය සමග ඇති කර ගත් මුල් එකඟතා බිඳහෙළමින් කලින් දැනුම් නොදුන් ස්ථානවල පවා සංචාරය කොට ඇති බව දැනගන්නට ඇත.
ඔවුන් සංචාරය කරන ඇතැම් ස්ථානයන් සම්බන්ධයෙන් සංචාරක ප්රවර්ධන මණ්ඩලය දැනුවත් කර නැතැයිද වාර්තා වේ.
එම පිරිස යාල සංචාරයකට එක්ව ඇති අතර ඊට යුක්රේන ජාතිකයන් 102ක්ද ළමයින් 11ක්ද සහභාගීව සිටි බව පැවසේ.
එහිදී ඇතැම් සංචාරකයන් මුඛ ආවරණ පවා පැළද නොසිටි බවද දැනගන්නට ඇත.
මේ හේතුව මත එම සංචාරකයන් යාල වනෝද්යානයේ සංචාරය සඳහා රැගෙන ගිය ජීප් රථ 28ක රියදුරන් නිරෝධායනයට ලක් කිරීමට කටයුතු කර තිබේ.
නමුත් ජීප් රථ රියදුරන් සඳහන් කරන්නේ තමන් නිරෝදායනයට යොමු කරන්නේ යැයි බලධාරීන් කලින් දැනුවත් නොකළ නිසා එම සංචාරකයන් රැගෙන ගිය බවය.
