මේ වසරේ දෙවන හා තෙවන කාර්තුව සඳහා සැලකිය යුතු ලෙස ප්රමාද වූ දළ දේශීය නිෂ්පාදිතයේ වර්ධන වේගය සම්බන්ධ වාර්තාව නිකුත් කිරීමට දිනකට පෙර, ජන සංගණන හා සංඛ්යාලේඛන දෙපාර්තමේන්තුවේ අධ්යක්ෂ ජනරාල් විශ්රාම යාමට පෙර නිවාඩු ලබා දෙපාර්තමේන්තුවෙන් ඉවත් වූ බව වාර්තා වේ.
අධ්යක්ෂ ජනරාල් ආචාර්ය ඉන්දු ආර්. බණ්ඩාර මහත්මිය විශ්රාම යාමට පෙර නිවාඩු ලබා ඇති බව තහවුරු වී ඇති අතර අතිරේක අධ්යක්ෂ ජනරාල් පී.එම්.පී. අනුර කුමාර ලබන වසරේ මාර්තු දක්වා එම ධූරයෙහි වැඩබලන අධ්යක්ෂ ජනරාල් ලෙස කටයුතු කරනු ඇත.
දෙවන හා තෙවන කාර්තුවේ දළ දේශීය නිෂ්පාදිතයේ සංඛ්යා වෙනදාට වඩා ප්රමාද වීමත් සමඟ, විපක්ෂයේ දේශපාලඥයින් චෝදනා කළේ, එම කාර්තුවල දළ දේශීය නිෂ්පාදිතයේ සංඛ්යා ප්රමාද කිරීම සහ හැසිරවීම සඳහා රජය සංඛ්යාලේඛන දෙපාර්තමේන්තුව වෙත බලපෑම් කරන බවයි.
