පසුගිය සතියේදී හදිසියේම දෙමළ ජාතික සන්ධානයේ එම් ඒ සුමන්තිරන් මහතා කැඳවා ඇති ජනාධිපති මෛත්රිපාල සිරිසේන මහතා අගමැති රනිල් වික්රමසිංහ මහතාට ලබාදෙන ලෙස කියමින් විශේෂ පණිවුඩයක් දැනුම් දී තිබේ.
එහිදී ජනාධිපතිවරයා සුමන්තිරන් මහතාට කියා ඇත්තේ එජාපයේ ජනාධිපති අපෙක්ෂකත්වය සජිත් ප්රේමදාස මහතාට ලබා දී 2015 කළාක් මෙන් ජනාධිපතිවරණය ඉලක්ක කරගනිමින් පුළුල් පෙරමුණක් නිර්මාණය කොට රාජපක්ෂවරුන් පරාජය කිරීමට කටයුතු කරන ලෙසට රනිල් වික්රමසිංහ මහතාට දැනුම් දෙන ලෙසටය.
එසේ වුවොත් ශ්රිලනිපයටද සජිත් ප්රේමදාස මහතාට සහාය දැක්විය හැකි බවද එහිදී ජනාධිපතිවරයා සඳහන් කර ඇත.
කෙසේ වෙතත් මෙහිදී සුමන්තිරන් මහතා උත්තර දී ඇත්තේ තමන්ට වෙනත් පක්ෂවල ප්රශ්නවලට මැදිහත් විය නොහැකි බවත් පක්ෂ නායකයන්ට උපදෙස් ලබා දීමට නොහැකි බවත්ය. එසේ වුවත් රනිල් වික්රමසිංහ මහතා මුණගැසී මේ සම්බන්ධව ඔහුට දැනුම් දෙන බව සුමන්තිරන් මහතා එහිදී ජනාධිපතිවරයාට පොරොන්දු වී ඇත.
කෙසේ වෙතත් මේ බව සුමන්තිරන් මහතා සිය පක්ෂය වන දෙමළ ජාතික සන්ධානයේ ජ්යෙෂ්ඨයන්ට දැනුම් දීමෙන් පසු ඔවුන් සියලු දෙනාම සජිත් ප්රේමදාස මහතාගේ අපේක්ෂකත්වයට දැඩිව විරෝධය පළ කර තිබේ. ඔවුන් පෙන්වා දී ඇත්තේ සජිත් ප්රේමදාස මහතාගේ හා රාජපක්ෂවරුන්ගේ ප්රතිපත්ති එක හා සමාන නිසා ඔහුට කිසිසේත්ම උදව් කළ නොහැකි යැයි කියාය.
