මෙරට ඇතැම් බෙදුම් නඩු විභාග කර එහි තීන්දුව ලබාදීමට වසර 47ක පමණ කාලයක් ගතවන බව ශ්රේෂ්ඨාධිකරණ විනිසුරු යසන්ත කෝදාගොඩ මහතා පවසයි. හෝමාගම නීති සඟරාව එළිදැක්වීමේ අවස්ථාවට පසුගියදා එක්වෙමින් කෝදාගොඩ මහතා සඳහන් කළේ එවැනි නඩුවල නීතිඥ ගාස්තු ගෙවීම සඳහා මුදල් නොමැති වීම හේතුවෙන් තම වකුගඩුව අලෙවි කළ පුද්ගලයන්ද සිටින බවයි. කෝදාගොඩ මහතා එම අවස්ථාවේදී වැඩිදුරටත් මෙසේද පවසා සිටියේය. Sri Lanka Latest News
‘ශ්රේෂ්ඨාධිකරණයේ තීන්දු වෙච්ච බෙදුම් නඩු 10ක්. පරිසාධිකරණයේ නඩුව පැවරුව දවසයි අභියාචන නඩු විභාගය, පළමුවැනි අභියාචනය, දෙවැනි අභියාචනය, ඔය අතර හිටපු ගමන් revision applications තියෙනවා. හැබැයි සමස්තයක් හැටියට ගත්තම ඒ සම්පූර්ණ චක්රය අවසාන වෙලා ශ්රේෂ්ඨාධිකරණ නඩු තීන්දුව දෙනකොට, දිසා අධිකරණයේ නඩු පැවරීමේ ඉඳන් අවුරුදු 47ක සාමාන්ය කාලයක් ගත වෙලා තියෙනවා. එහෙනම් ඒක කේන්දර විශ්වාස කරන අයට අනුව සෙනසුරු අපලය වෙන්නත් බෑ. පවරපු කෙනාගේ සෙනසුරු අපලයයි, එයාගෙන් පැවතෙන්නාගේ සෙනසුරු අපලයයි කියන දෙකම හමාර වුණාම තමයි අපේ පද්ධතියෙන් හවුල් ඉඩම බෙදා වෙන්කරලා දෙන්නේ. ඉතින් අපිට කියන්න පුළුවන්නේ සැලකිය යුතු ප්රමාදයක් තියෙනවා කියලා.
ඊළඟට අපි බලන්න ඕනෙ යුක්තිය පසිඳලීමේ යාන්ත්රණයට ප්රවේශ වීම සඳහා යම් යම් බාධක තියෙනවද කියලා. මේ ethics review committee එකට එදා ආපු කෙනා අනාවරණ කරපු කරුණ. මුදල දැන් අවුරුදු 15කට පෙර ලක්ෂ 9යි. මොකටද ඕනේ? එයාගේ සහෝදරයෙක්ට තියෙනවලු මිනීමැරුම් නඩුවක්. ඒ සහෝදරයාගේ මිනීමැරුම් නඩුවට නීතිඥ මහත්වරුන්ගේ ගාස්තු මුලින් ගෙවලා තියෙන්නේ අතේ තියෙන සල්ලිවලින්. ඒ මුදල් ඉවර වුණාම ඔවුන් ඉන්න ඉඩම උකස් තබලා තියෙනවා. දැන් තවත් උකස් තියන්න දේපලකුත් නෑ. ඒ නිසා ඔහු තීරණය කරලා තියෙනවා මේ සහෝදරයාගේ නඩුවට ඒ දක්ෂ නීතිඥ කණ්ඩායමේ සේවාව ලබාගැනීම සඳහා ඔහුගේ වකුගඩු දෙකෙන් එකක් විකුණලා මුදල් අරගෙන නීතිඥ ගාස්තු ගෙවන්න. අතිවිශාල බහුතරයක් අපේ සේවාදායකයන් ඒක කැමැත්තෙන් හෝ පහසුවෙන් කරන දෙයක් නෙවෙයි.
නීතිඥ ගාස්තු ශ්රී ලංකා රජයටවත්, ශ්රේෂ්ඨාධිකරණයටවත් නියාමනය කරන්න බෑ. ඒක පිළිගත හැකි විසඳුමක් නෙවෙයි. ඔබට පුළුවන් ඔබේ හෘදය සාක්ෂියට එකඟව, සේවාදායකයාට ගෙවිය හැකි ගාස්තු ප්රමාණයත් සැලකිල්ලට අරගෙන වඩාත් සාධාරණ ගාස්තුවක් නියම කරන්න. දෙවැනි එක තමයි තමන්ගේ වෘත්තීය සේවා ප්රමාණයෙන්, ඉතාමත් හොඳයි 10%ක් නම්. නමුත් අවම වශයෙන් 5%ක් නොමිලේ, වඩාත් තමන්ගේ සේවය අවශ්ය, ආර්ථික දුෂ්කරතාවන්ගෙන් පෙළෙන අයට ලබාදෙන්න.’
