ඉපැරණි රජ සමයේ රටේ ආරක්ෂාව ස්වෛරීත්වය හා භෞමික අඛණ්ඩතාව ආරක්ෂා කිරීම වෙනුවෙන් රජවරුන් ඇමතිවරුන් සුවිශේෂ සේවාවක් ඉටු කළ බවත් රටට විවිධ ආක්රමණික තර්ජන එල්ල වන විට රට සුරක්ෂා කරන්න දිවි පරදුවට තබා විශිෂ්ට සේවාවක් ඉටු කළ බවත් අද ලෝකයේ ඇති ගෝලීය භූ දේශපාලන ගැටලු නිසා ඉන්දීය සාගරය සාම කලාපයක් වෙනවා වෙනුවට යුද්ධයේ අවදානමට ලක්ව ඇති බවත් සාම කලාපය වු ඉන්දීය සාගරය එක්තරා අවස්ථාවක යුද්ධයත් තවත් අවස්ථාවක සීතල යුද්ධයේත් බලපෑමට ලක්වන බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ සිතුල්පව්ව මගුල් මහා විහාරයේ ආලෝක පූජාව හා එක්වෙමිනි.
භූ දේශපාලනයේ සිදුවන තරගකාරී තත්ත්වය තුළ අප රටත් බරපතල අවදානමට ලක්ව ඇති බවත් වසර 7ක් තුළ මහා ඛේදවාචක පහකට රටක් ලෙස මුහුණ දුන් බවත් පාස්කු ප්රහාරයේ සිට මැදපෙරදිග යුද්දය ඇතුළු ඛේදවාචක නිසා සිදුවු අවදානම් තත්ත්වය නිසා මේ භූ දේශපාලනයේ ගොදුරක් වීමට රටට සිදුව ඇති බවත් විපක්ෂ නායකවරයා පැවසීය.
එසේම මේ තත්ත්වය තුළ රට අභ්යන්තරයේ කුමන දේශපාලන වෙනස්කම් තිබුණත් විවිධ ගෝලීය භූ දේශපාලන අභියෝගවලට අප රට යටත් නොවන්න ශ්රී ලාංකික පුරවැසියන් ලෙස අප කටයුතු කළ යුතු බවත් ජාති ආගම් කුලමල පන්ති පක්ෂ භේද නොසලකා භෞමික අඛණ්ඩතාව දේශපාලන නිදහස හා සෛරීත්වය රජ දවසේ මෙන් සුරක්ෂිත කළ යුතු බවත් එදා රැකගත් ඒ ස්වාධීනත්වය හා ස්වාධිපත්ය අප සුරක්ෂිත කළ යුතු බවත් එදා සෘජු අධිරාජ්යවාදය සේම අද වක්ර අධිරාජ්යවාදය ක්රියාත්මක වන නිසා ඒ සඳහා අප මුහුණ දිය යුතු බවත් විපක්ෂ නායකවරයා වැඩිදුරටත් පැවසීය.
