ගැසුවා කී බෙරයෙ බල මැන පළුත් නැත!
මල් පැළ වෙලා වල් පැළ මහ ගෙදර අද
වල් පැළ එදා මල් පැළ ලෙස පෙනෙනවද
නව පෙරළියක තතු හොඳ හැටි දකිනවද
විශ්වාසයෙහි ලොකු කඩතොලු පෙනෙති තද Sri Lanka Latest News
ආචාරිය මහාචාරිය වැනි පට්ටම්
සුළියක දැවටිලා මෙන් විය අටපට්ටම්
එදවස රටට පෙන්වූ යස ඔපමට්ටම්
නව පිරිසක් ඇවිත් කෙරුවා කරුකුට්ටම්
අප හැම පිරිසිදුය ළඟ කිළි කුණු නෑනේ
නොමැතිව එහෙම මේ රට හැදුමට බෑනේ
එලෙසට දිනාගෙන මහජන අවධානේ
බලයට පැමිණ කළ කෙංගෙඩියක් නෑනේ
ප්රාදේශීය බලය ගැනුමට පොර කෑවා
විරුදුව එන අයට විස පොර කටු පෑවා
ගාගෙන හත්පොළේ හැම තැනකම නෑවා
දෙස්පාලුවෝ සැමට හොඳ පාඩම් මේවා
ඇසුවා හොඳ කතා අද ඉන් පලක් නැත
වැසුවා කියූ ‘මත’ මතුවී යළිත් ඇත
නැටුවා කියන රැඟුමක දැකුමකුත් නැත
ගැසුවා කී බෙරයෙ බල මැන පළුත් නැත
