පාසල් දරුවන් අතර සීඝ්රයෙන් පැතිර යන උණ රෝගී තත්ත්වයක් හේතුවෙන්, දෙනියාය අධ්යාපන කලාපයට අයත් පාසල් හතරක් හෙට (08) වසා තැබීමට තීරණය කර තිබේ.Sri Lanka Latest News
සෞඛ්ය බලධාරීන්ගේ නිර්දේශය මත රෝග ව්යාප්තිය පාලනය කිරීමේ පියවරක් ලෙස මෙම තීරණය ගත් බව දෙනියාය කලාප අධ්යාපන අධ්යක්ෂිකා නිශාකා හෙට්ටිගොඩ මහත්මිය ප්රකාශ කර ඇත.
ඒ අනුව දෙනියාය මධ්ය විද්යාලය, දෙනියාය රාජපක්ෂ මහා විද්යාලය, දෙනියාය ශාන්ත මැතිව් ද්විභාෂා විද්යාලය සහ පල්ලෙගම සිද්ධාර්ථ විද්යාලය මෙලෙස වසා දමෙනු ඇත.
අදාළ පාසල්වල සිසුන් සහ ගුරුවරුන් අතර රෝග ව්යාප්තිය ඉහළ යාම සැළකිල්ලට ගනිමින් මෙම පියවර ගෙන ඇති බව වාර්තා වේ.
රෝග ව්යාප්තිය පාලනය කිරීම සදහා සෞඛ්ය උපදෙස් අනුගමනය කරන ලෙස හා දරුවන්ට රෝග ලක්ෂණ පවතී නම් වහාම වෛද්ය ප්රතිකාර සඳහා යොමු කරන ලෙස සෞඛ්ය අංශ මව්පියන්ගෙන් ඉල්ලීමක් සිදු කරයි.
