ඉරානය විසින් අමෙරිකානු ප්රහාරක යානයක් වෙඩිතබා බිම හෙළීමෙන් පසු අතුරුදන්ව සිටි තම ගුවන් නියමුවා මුදාගත් බවට, අමෙරිකානු ජනාධිපතිවරයා සිදුකළ ප්රකාශයේ කිසිදු සත්යතාවක් නොමැති බව ඉරානය පවසයි.Sri Lanka Latest News
ජනපති ට්රම්ප් සිය ‘ටෘෘත්’ ගිණුමේ සටහනක් තබමින් පවසා සිටියේ, ඉරානය විසින් ප්රහාරක යානයක් වෙඩිතබා බිම හෙළීමෙන් පසු අතුරුදන්ව සිටි ගුවන් නියමුවා සිය හමුදාවන් මුදාගත් බවය.
කෙසේ නමුත් ඉරානයේ හමුදා මූලස්ථානය උපුටා දක්වමින් එරට තස්නිම් ප්රවෘත්ති ඒජන්සිය පවසා ඇත්තේ, ගුවන් නියමුවා ගලවා ගැනීමේ අමෙරිකානු මෙහෙයුම අසාර්ථක වූ බවය.
දකුණු ඉස්ෆහාන් කලාපයේ දී සිය හමුදා අමෙරිකානු ගුවන් යානා කිහිපයකට ප්රහාර එල්ලකර විනාශ කළ බවත් ඉරානය පවසයි.
ගුවන් යානයක්, බ්ලැක්හෝක් හෙලිකොප්ටර් 2ක් සහ C-130 වර්ගයේ හමුදා සෙබළුන් රැගෙන යන ගුවන් යානයක් තම ප්රහාරයට ලක්වූ බව ඉරානය පවසා තිබේ.
එමෙන්ම එම යානා තවමත් ගිනි ගනිමින් පවතින බවත් තස්නිම් ප්රවෘත්ති ඒජන්සිය පවසයි.
මේ වනවිට කාන්තාර ප්රදේශයක ගුවන් යානයක දුම් දමන සුන්බුන් පෙන්වන වීඩියෝවක්ද ඉරානය විසින් මුදාහැර තිබේ.
ඉරාන කථානායක මොහොමඩ් බාගර් ගලීබාෆ්ද ඡායාරූපයක් සිය සමාජ මාධ්ය අවකාශයට එක්කර ඇත.
කෙසේ නමුත් මේ සම්බන්ධයෙන් අමෙරිකාව මෙතෙක් ප්රතිචාර දක්වා නොතිබුණි.
