මේ මොහොත වන විට අප රටේ ජනතාව දුෂ්කරතා රැසකට මුහුණ දෙමින් සිටින බවත් නැවත වරක් QR කේතය භාවිතයට පැමිණ ඇති බවත් මේ QR කේතය නිකුත් කර ඇත්තේ තෙල් කෝටාවක් ලෙස නිකුත් කිරීමට නිසා අනිවාර්යෙන්ම තෙල් පාරිභෝජනය සීමා වී කලකිරීම වැඩි වී ආර්ථික ප්රශ්න ගැටලු රැසක් නිර්මාණය වන බවත් විපක්ෂ නායකවරයා පැවසීය.Sri Lanka Latest News
මේ අවස්ථාවේ විපක්ෂයක් ලෙස සමගි ජන බලවේගය ජනතාවට අසහනයක් නිර්මාණය වී ඇති අර්බුධයෙන් පටු වාසි නොගන්නා බවත් මෙවැනි තත්ත්වයක් නිර්මාණය වන බවට දිගින් දිගටම පැවසූ අවස්ථාවේ රජයේ මැති ඇමතිවරු හිනා වී උපහාසයට නැගු බවත් පසුගිය සතියේ පාර්ලිමේන්තුවේදී හෝර්මූස් සමුද්ර සන්ධියේ නිර්මාණය වන ගැටලුකාරී තත්ත්වය සම්බන්ධයෙන් වැඩපිළිවෙළක් සකස් කරන ලෙස පැවසූ අවස්ථාවේ විදේශ ඇමතිවරයාට අනුව නම් අප රටට කිසිදු ගැටලුවක් නොමැති බවත් ඇත්තටම අප රටට ගැටලුවක් නැත්නම් මේ ආකාරයට QR කේත නිකුත් කිරීම අවශ්ය නොවන බවත් එදා තමා මේ ගැන කියන විට රජය ඒවා නොසලකා හැරි බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද කෑගල්ල ආසනයේ සංවිධායක ප්රියංක සේනානායක මහතාගේ කාර්යාලය විවෘත කිරීම අවස්ථාව හා එක්වෙමිනි.
ආණ්ඩුව මේවාට උසුලු විසුලු කරන විට රටේ සුළු පිරිසක් මේවා උපහාසයට නැගූවත් එසේ උපහාස කර දින 12ක් යන්නටත් පෙර QR කේතය නිකුත් කරන්න රජයට සිදුවූ බවත් ඇමෙරිකා එක්සත් ජනපදය රුසියායවට පැනවූ සම්බාධකවලට දින 30ක විරාමයක් දෙන බවට පැවසූ අවස්ථවේ අප රට රුසියාව සමඟ කතා කර අප රටට අවශ්ය තෙල් ලබා ගැනීමට වැඩපිළිවෙළක් සකස් කරන්න කිව්වත් ඒ දවස්වල එය නොකර අමාරුවේ වැටුණු පසු දින ගණනාවකට පසු දැන් රුසියානු තානාපතිවරයා හමුවෙන්න රජය කටයුතු කර ඇති බවත් මේ රජය හැමදෙයක්ම කරන්නේ ප්රමාද වී බවත් විපක්ෂය ලබා දෙන හොඳ උපදෙසක්වත් පිළිනොගන්නා තැනට රජයේ හීනමානව උද්දච්චකම ලොකු වී ඇති බවත් විපක්ෂ නායකවරයා පැවසීය.
Strategic Scenario planning එකක්වත් රජයට නැහැ
මේ රජයට රාජ්ය පාලනය නොතේරෙන බවත් අනුර කුමාර ජනාධිපතිවරයා ප්රමුඛ රජය ජනතාව අන්දවා රට අන්දවා කිසිදු සූදානමක් නොමැති අද ඔබ මොබ යමින් ඉඹි ගමනින් රාජ්ය පාලනයක් ක්රියාත්මක කරන බවත් මේ රජයට පෙර සැලසුමක් නොමැති බවත් සාර්ථක රාජ්ය පාලනයකට නම් අවදානමකට මුහුණ දිය හැකි ක්රමෝපායන් නිර්මාණය කළ යුතු බවත් Strategic Scenario planning එකක්වත් රජයට නොමැති බවත් රජය දන්නේ මේවා කියන විට සමාජ මාධ්ය හරහා පහර ගැනීම බවත් විපක්ෂ නායකවරයා පැවසීය.
‘අනේ ප්ලීස් එපා’ කියන උද්දච්ච ආණ්ඩුකරණයෙන් නම් ජනතාවට සෙතක් වෙන්නේ නැහැ
Strategic Scenario planning යනු ක්රමෝපායිකව රටකට මුහුණ දෙන්න ඇති සියලුම අවස්ථා සියලුම අවදානම් සහිත අවස්ථා ගැන වැඩපිළිවෙළක් සකස් කිරීම වුවත් මීට මාස ගණනාවකට පෙර ඇමෙරිකාව සහ ඊශ්රාලය එකට එකතු වීම ඉරානයට බෝම්බ දානවිට යුද්ධයක පෙර නිමිත රජය නොදැක්ක බවත් විපක්ෂය මේවා ගැන පූර්වයෙන් අනතුරු ඇගවූ බවත් IMF ගිවිසුම්වල රටටත් ජනතාටත් අහිතකර කොටස් පවා වෙනස් කරන්න කිව්වත් මේ රජය කිසිවක් නොකර සිටි බවත් දිට්වා සුළි කුණාටුවෙන් පසු ජාත්යන්තර ආධාරක සමුළුවක් කැදවන්න කියූ විට ‘අනේ ප්ලීස් එපා’ යැයි ජනාධිපතිවරයා කියූ බවත් අනේ පීල්ස් එපා යැයි කියන ආණ්ඩුකරණය තුළ ජනතාව නැත්තටම නැතිව යන බවත් විපක්ෂ නායකවරයා පෙන්වා දුන්නේය.
ආර්ථික ප්රශ්න මැද ගෙන්වන ගල් අගුරුත් බාලයි
ආර්ථික ප්රශ්න රටේ තිබියදී රජය ගෙන්වා ඇත්තේ බාල ගල් අගුරු බවත් ඊයේ දින පවා නිපදවිය යුතු විදුලිය නිපදවීම මෙගවොට් 135කින් අඩුවී ඇති බවත් බලාගාරයෙ දත්ත අනුව රජය ගෙන ආ ගල් අගුරු සියල්ල බාල බවත් රජයට නම් මේවා ප්රශ්න නොමැති වුවත් ගල් අගුරු බලාගාරයේ අවශ්ය විදුලිය නිපදවිය නොහැකි නිසා ඉන්ධන බලාගාර වෙත යා යුතු බවත් මේ ගල් අගුරු වංචාව නිසා අවසානයේ දුක් විදින්න සිදුව ඇත්තේ විදුලි පාරිභෝගිකයාට බවත් විපක්ෂ නායකවරයා පැවසීය.
මේ යන විදිහට පොහොරවලටත් QR ඒවි
ඊට අමතරව බාල බෙහෙත් පවා රටට ගෙන එන බවත් මේ යන විදිහට ගොවියාගේ පොහොරවලටත් QR කේත දමාවිදෝ කියා බයක් ඇති බවත් මේ රජයේ අක්රමවත් අකාර්යක්ෂම දූෂිත රාජ්ය පාලනයට එරෙහිව ජනතාව පෙළ ගැස්විය යුතු බවත් පරිසර හානිය ජාතික ආරක්ෂාව ඇතුළු සෑම සිදුවීමක් ගැනම ජනතාවට හෙළිදරව් කළේ ජනතාවට සත්ය අවබෝධ කරවීමට බවත් විපක්ෂ නායකවරයා පැවසීය.
ආර්ථව දරිද්රතාවයේ ගැටලු ගැන සජබ කියද්දි මඩ ගහපු අයම අද බලයට පත්වෙලා ඒ සංකල්පය ක්රියාත්මක කරනවා
කාන්තාවන්ගේ ආර්ථව දරිද්රතාව ගැන කතා කරද්දි එයට පවා මඩ ගැසූ රජය අද වන විට ආර්ථව දරිද්රතාවට විරුද්ධව වැඩපිළිවෙළක් අවශ්ය බවට පිළිගෙන ඇති බවත් කොරෝනා සමයේ පවා විපක්ෂයක් ලෙස සමගි ජන බලවේගය ඇත්ත කතා කරන විට විහිලු කළ අයම අද ඇත්ත පිළිගත් බවත් මේ රජය කරන්නේ ඇන්දවිල්ල බොරුව කයිවාරුව රංගනය බවත් රජය දන්නේ සමාජ මාධ්ය හරහා බොරුව ප්රචාරය කිරීම වුවත් සත්යයට කෙදිනක හෝ මුහුණ දිය යුතු බවත් මේ රජය දන්නේ වැඩ කරන්න නොව දේශපාලන ප්රතිවාදීන්ගෙන් පළි ගැනීම බවත් විපක්ෂ නායකවරයා පැවසීය.
දේශපාලන පළිගැනීම් කළා කියලා රටේ ප්රශ්න විසදෙන්නේ නැහැ
දේශපාලන ප්රතිවාදීනගෙන් පළි ගත්තා කියා රටේ ප්රශ්නවලට විසදුම් නොලැබෙන බවත් රජයට මේ ගැටලුවලට උත්තර නොමැති බවත් පහුගිය කාලයේ සූරයෝ වීරයෝ කියූ රාජ්ය නායකයෝ ජන බලයට බිය වී ගෙදර ගිය බවට මේ රජය අමතක නොකළ යුතු බවත් මිනිසා ජීවත් කරවීම මිනිසාගේ පරම යුතුකම නිසා ඒ යුතුකම හා වගකීම වෙනුවෙන් සමගි ජන බලවේගය හා සමගි ජන සන්ධානය සූදානම් බවත් විපක්ෂ නායකවරයා පැවසීය.
