වැඩි කළ ඉන්ධන මිල නැවත අඩු කර ගන්නා ලෙස රජයෙන් ඉල්ලා සිටින බවත් පරණ තොගවලට වැඩි කළ ඉන්ධන මිල තුළින් පාරිභෝගික ජනතාවට බරපතල අසාධාරණයක් සිදුව ඇති බවත් තෙල් බැරලය ඇ. ඩොලර් 70ක්ව තිබියදී ගෙන ආ තෙල් සංචිතවලට මැදපෙරදිග හදිසි යුදමය තත්ත්වය උපයෝගී කර ගෙන මිල සූත්රය වෙනස් කර අධික මිලක් රටේ පාරිභෝගික ප්රජාවගෙන් අය කරන්නට කටයුතු කිරීම අන්ත දූෂිත ක්රියාවක් හා බරපතල වරදක් බවත් විපක්ෂ නායක සජිත් ප්රේමදාස මහතා අද විශේෂ ප්රකාශයක් සිදු කරමින් පැවසීය.Sri Lanka Latest News
තෙල් මිල ඉහළ යනවා යැයි පදනම් කර ගෙන නිර්මාණය කළ මිල වැඩි කිරිම තුළ රජය රටට බොරුවක් කර ඇති බවත් වැඩි වූ තෙල් මිල පැය ගණනාවක් තුළ නැවත පහළ වැටෙමින් තිබෙන බවත් තෙල් බැරලයක මිල දැන් තිබුණටත් වඩා අඩුවෙමින් පවතින බැවින් මේ මිල වැඩි වීම සාධාරණීකරණය කළ නොහැකි බවත් විපක්ෂ නායකවරයා පැවසීය.
එසේම රටේ ජනතාව මත බදු බර වැඩි කර මිල වැඩි කර පීඩනය අසහනය ව්යාප්ත කර රජය මේ කරන ක්රියාව තුළ අප රටේ දුප්පත්කම නැතිබැරිකම වැඩි වී ව්යාපාරිකයන්ට කර්මාන්තකරුවන්ට පුංචිම තැනේ සිට ජන සමාජයේ සියලුම නිෂ්පාදකයන්ට ආදායම් උත්පාදනය කරන්නන්ට අසාධාරණයක් සිදු කර මූලික අයිතිය උල්ලංඝනය කිරීමක් සිදු කරන බැවින් අන්ත දූෂිත මේ සූත්රය වහා හකුලා ගන්න රජය කටයුතු කළ යුතු බවත් විපක්ෂ නායකවරයා මෙහි දී පැවසීය.
ඩොලර් 70 මිලට ගෙන ආ තෙල් බැරලයේ මිල පදනම් කර ගෙන මෙරට තෙල් මිල තීරණය කළ යුතු බවත් රජය එසේ නොකරන්නේ නම් එය ජනතාව රැවටීමක් මෙන්ම ජීවත් වීමේ අයිතියට මරු පහරක් එල්ල කිරිමක් බවත් මේ අන්ත දූෂිත මිල වැඩි කිරිම වහා නතර කර හකුලා ගත යුතු බවත් බලශක්ති සුරක්ෂිතභාවය උදෙසා කළ යුතු කළ හැකි සියලු ප්රායෝගික පියවර ගත යුතු බවත් විපක්ෂ නායකවරයා පැවසීය.
ඇස් ඉදිරිපිට සිදුවන විනාශය දෙසා බල යථාර්ථවාදී නොවන පදනමක සිට රාජ්ය පාලනය ගෙන යනවා වෙනුවට ජනතාව මත පීඩනය බර පටවනවා වෙනුවට යුක්ති සහගත සාධාරණ ක්රමවේදයක් අනුගමනය කර ජනතාවගේ පැත්තෙන් සිතා ඉන්ධන මිල අඩු කළ යුතු බවත් වැඩිදුරටත් අදහස් දක්වමින් විපක්ෂ නායක සජිත් ප්රේමදාස මහතා පැවසීය.
