නිව්යෝර්ක් නගරාධිපති ජොරාන් මම්දානිගේ (Zohran Mamdani) නිල නිවස වන ග්රේසි මැන්ෂන් (Gracie Mansion) ඉදිරිපිට පැවති විරෝධතාවක් අතරතුර, ISIS සංවිධානයෙන් පුහුණුව ලැබූ අන්තවාදීන් දෙදෙනෙකු විසින් ‘Mother of Satan’ ලෙස හැඳින්වෙන දරුණු පුපුරණ ද්රව්ය අඩංගු බෝම්බයක් ප්රහාරයක් සඳහා යොදා ගැනීමට තැත් කර තිබේ. පොලිසිය වහා ක්රියාත්මක වී සැකකරුවන් අත්අඩංගුවට ගැනීම නිසා විශාල විනාශයක් වැළකී ගොස් ඇත.Sri Lanka Latest News
මෙම දරුණු පුපුරණ ද්රව්යය සහ සිද්ධිය පිළිබඳ තොරතුරු මෙසේය.
විද්යාත්මකව ට්රයිඇසිටෝන් ට්රයිපෙරොක්සයිඩ් (TATP) ලෙස හැඳින්වෙන මෙය සාමාන්ය වෙළඳසැල්වලින් මිලදී ගත හැකි ද්රව්ය යොදාගෙන ඉතා අඩු පිරිවැයකින් නිවසේදීම සකස් කළ හැකි බැවින් ත්රස්තවාදීන් අතර ප්රචලිත වී ඇත. මෙය ඉතා අස්ථාවර පුපුරණ ද්රව්යයක් වන අතර සුළු තාපයකට, කම්පනයකට හෝ පීඩනයකට පවා ක්ෂණිකව පිපිරීමට ලක්ව මාරාන්තික හානි සිදු කළ හැකිය. අත්අඩංගුවට ගත් සැකකරුවන් වන්නේ 19 හැවිරිදි ඉබ්රහිම් කියුමි සහ 18 හැවිරිදි එමීර් බාලට් යන දෙදෙනාය. ඔවුන් තුර්කිය, සෞදි අරාබිය සහ ඕස්ට්රේලියාව යන රටවල ත්රස්ත පුහුණු මධ්යස්ථාන හරහා ගමන් කර ඇති බවත්, ISIS මතවාදයෙන් අන්තවාදී වී ඇති බවත් හෙළි වී තිබේ.
දක්ෂිණාංශික ක්රියාකාරිකයෙකු වන ජේක් ලැන්ග් විසින් සංවිධානය කළ මුස්ලිම් විරෝධී විරෝධතාවක් අතරතුර, ක්රීඩා පානයක් අඩංගු බෝතලයක බහා ටේප්වලින් ඔතා සකස් කර තිබූ මෙම TATP බෝම්බය විරෝධතාකරුවන් දෙසට විසි කර ඇත.
නිව්යෝර්ක් පොලිස් කොමසාරිස් ජෙසිකා ටිෂ් පවසා ඇත්තේ මෙය සැබෑ පුපුරණ ද්රව්යයක් මිස ව්යාජ එකක් නොවන බවයි. මෙම ප්රහාරය සාර්ථක වූයේ නම් විශාල පිරිසකට ජීවිත අහිමි වීමට ඉඩ තිබූ බව විමර්ශකයෝ පෙන්වා දෙති.
