මැදපෙරදිග කලාපය පුරා යුදමය වාතාවරණයක් ව්යාප්ත වෙමින් පවතින පසුබිමක, අමෙරිකානු සහ ඊශ්රායල ප්රහාර හමුවේ ඉරානය තමන්ව ආරක්ෂා කර ගැනීමට ගන්නා පියවරයන් සඳහා චීනයේ සහාය හිමිවන බව චීන විදේශ අමාත්ය වැන්ග් යී ප්රකාශ කර තිබේ.Sri Lanka Latest News
චීන විදේශ අමාත්යවරයා සහ ඉරාන විදේශ අමාත්ය අබ්බාස් අරග්චි අතර පැවති දුරකථන සාකච්ඡාවකදී මෙම අදහස් පළ වී ඇති බව චීන රාජ්ය රූපවාහිනි නාලිකා වාර්තා කරයි.
චීනය සහ ඉරානය අතර පවතින දීර්ඝකාලීන මිත්රත්වය අගය කරන බවත්, ඉරානයේ ස්වෛරීභාවය, ආරක්ෂාව, භෞමික අඛණ්ඩතාව සහ ගෞරවය ආරක්ෂා කර ගැනීමට චීනය සහාය දක්වන බවත් වැන්ග් යී මෙහිදී අවධාරණය කර ඇත.
ඉරානයේ අයිතිවාසිකම් සහ අවශ්යතා සුරැකීම සඳහා චීනය සැමවිටම පෙනී සිටින ද බව ඔහු වැඩිදුරටත් පවසා තිබේ.
අමෙරිකාව සහ ඊශ්රායලය සිය හමුදා මෙහෙයුම් වහාම නතර කළ යුතු බවත්, උණුසුම් තත්ත්වය තවදුරටත් වර්ධනය වීම වළක්වාලමින් මුළු මැදපෙරදිග කලාපයම යුද්ධයකට ඇද වැටීම වැළැක්වීමට කටයුතු කළ යුතු බවත් චීනය මෙහිදී බලකර ඇති බව විදෙස් මාධ්ය වැඩිදුරටත් පවසයි.
මේ අතර මැදිපෙරදිග කලාපීය ස්ථාවරත්වය වෙනුවෙන් රුසියාව සක්රීය මැදිහත්වීමක් සිදුකිරීමට සූදානම් බව ද ජනාධිපති ව්ලැදිමීර් පුටින් තහවුරු කර ඇති බව විදෙස් මාධ්ය පවසා ඇත.
අමෙරිකාව සහ ඊශ්රායලය විසින් ඉරානයට එල්ල කරන ප්රහාර හේතුවෙන් මැදපෙරදිග කලාපය පුරා මහා පරිමාණ යුද්ධයක් ඇතිවීමේ අවදානමක් පවතින බව රුසියානු ජනාධිපති ව්ලැදිමීර් පුටින් පවසා තිබේ.
ඊයේ (01) ගල්ෆ් කලාපයේ ප්රබල රාජ්ය නායකයින් සිව්දෙනෙකු සමඟ දුරකථන සාකච්ඡාවල නිරත වෙමින් ඔහු මේ බව අවධාරණය කර ඇති බව සඳහන් වේ.
සවුදි අරාබියේ මොහොමඩ් බින් සල්මාන් කුමරු සමඟ පැවැති සාකච්ඡාවෙන් අනතුරුව ක්රෙම්ලිනය ප්රකාශ කර ඇත්තේ, දැනටමත් අරාබි රටවල් කිහිපයකට බලපා ඇති මෙම ගැටුම තවදුරටත් ව්යාප්ත වීමෙන් දරුණු විපාක ඇති විය හැකි බවටය.
එමෙන්ම ඉරානයේ උත්තරීතර නායක අයතුල්ලා අලි කමේනි ඝාතනය කිරීම සහ අමෙරිකා-ඊශ්රායල ප්රහාර රුසියාව දිගින් දිගටම හෙළා දැක ඇති බව වැඩිදුරටත් සඳහන් වේ.
