වසර ගණනාවක් තිස්සේ ආණ්ඩු කිහිපයක් විසින් අතුරුදන් කොට තිබූ පළාත් සභා මැතිවරණය පැවැත්වීමට මාලිමා ආණ්ඩුව තීරණය කොට ඇති බව වාර්තා වේ.Sri Lanka Latest News
ඒ අනුව මේ වසර අවසානයේදී හෝ ලබන වසරේ මුල් මාස කිහිපය ඇතුළත පළාත් සභා මැතිවරණය පවත්වා අවසන් කිරීමට ආණ්ඩුව තීරණය කොට ඇති බව දැනගන්නට ඇත.
කෙසේ වෙතත් මේ වනවිට සමගි ජන බලවේගය ප්රමුඛ විපක්ෂය තීරණය කොට ඇත්තේ ආණ්ඩුව පළාත් සභා මැතිවරණය පැවැත්වීමට කටයුතු කරන්නේ නම් පැරැණි ක්රමය යටතේ පළාත් සභා මැතිවරණය පවත්වන ලෙසට යෝජනාවක් ඉදිරිපත් කරන ලෙසටය.
මේ වනවිට පළාත් සභා මැතිවරණය පවත්වන ඡන්ද ක්රමය සොයා බලා වාර්තා කිරීම සඳහා පාර්ලිමේන්තු තේරීම් කාරකසභාවක් පත්කොට ඇති අතර, ඊට එම යෝජනාව ඉදිරිපත් කිරීමට විපක්ෂය ඒකමතිකව තීන්දු කොට ඇති බවක් දැනගන්නට ඇත.
