මෙම සති අන්තයේ ඉරානයට පහරදිය හැකි බවට ඇමෙරිකාවේ පෙන්ටගනය විසින් එරට ජනාධිපති ඩොනල්ඩ් ට්රම්ප් වෙත දැනුම්දී තිබියදී ඇමෙරිකානු එක්සත් ජනපද පැසිෆික් බළඇණියේ අණදෙන නිලධාරී අද්මිරාල් ස්ටීව් කේලර් නිල සංචාරයක් සඳහා ශ්රී ලංකාවට පැමිණ තිබේ.
ශ්රී ලංකා සංචාරය අතරතුරදී රජයේ ඉහළ නිලධාරීන් සහ හමුදා නිලධාරීන් හමුවී සමුද්රීය ආරක්ෂාව ශක්තිමත් කිරීම, කලාපීය ස්ථාවරත්වය සහ සහයෝගිතාව ප්රවර්ධනය කිරීම, හමුදාවන් අතර අන්තර් ක්රියාකාරීත්වය වැඩිදියුණු කිරීම සම්බන්ධයෙන් ඒ මහතා සාකච්ඡා කරනු ඇති බව දැනගන්නට ඇත.
ජනාධිපති අනුර කුමාර දිසානායක මහතා බලයට පත්වී මසක් ඇතුළත පළමු වතාවට කේලර් ලංකාවට පැමිණි අතර, මේ ඒ මහතාගේ දෙවැනි ශ්රී ලංකා සංචාරයය.
ඉකුත් 19 වැනිදා ශ්රී ලංකාවට පැමිණි ඒ මහතා සෙනසුරාදා දිනයේදී යළි දිවයිනෙන් නික්ම යෑමට නියමිතව ඇති බව දැනගන්නට ඇත.
