ත්රිකුණාමලය තෙල් ටැංකි සංකීර්ණයේ පවතින ටැංකි 61ක් සංවර්ධනය කිරීම සහ ක්රියාත්මක කිරීම සඳහා වන යෝජනා (RFP) ඉදිරි මාස දෙක තුන ඇතුළත කැඳවීමට රජය තීරණය කර ඇත. Sri Lanka Latest News
Trinco Petroleum Terminal Ltd (TPTL) ආයතනය යටතේ පවතින මෙම ටැංකි පද්ධතිය විදේශීය වෙළඳපොළ ඉලක්ක කරගත් තෙල් මෙහෙයුම් පර්යන්තයක් ලෙස (Petroleum Terminal) සංවර්ධනය කිරීම මෙහි මූලික අරමුණයි.
ලංකා ඛනිජ තෙල් නීතිගත සංස්ථාවේ (CPC) කළමනාකාර අධ්යක්ෂ මයුර නෙත්තිකුමාරගේ මහතා ප්රකාශ කළේ මෙම ව්යාපෘතිය “ඉදිකිරීම් සහ ක්රියාත්මක කිරීමේ” (Build-and-Operate) පදනම යටතේ වසර 20ක කාලයක් සඳහා ක්රියාකරු වෙත ලබා දීමට සැලසුම් කර ඇති බවයි.
මෙහිදී TPTL ආයතනයේ දැනට පවතින අයිතිවාසිකම් ව්යුහය එනම් ලංකා ඛනිජ තෙල් නීතිගත සංස්ථාවට 51% ක් සහ ලංකා IOC සමාගමට 49% ක් වන කොටස් හිමිකාරීත්වය කිසිදු වෙනසකට භාජනය නොවන බව ද ඔහු අවධාරණය කළේය.
මෙම ව්යාපෘතියේ තෝරාගැනීමේ ප්රධාන නිර්ණායකයක් වන්නේ එමගින් රජයට ලැබෙනු ඇතැයි අපේක්ෂිත ආදායම වන අතර රජය සෘජුවම තෙල් අලෙවි කිරීමේ නිරත නොවන අතර විදේශීය වෙළඳුන්ට තෙල් ගබඩා කිරීමට සහ ප්රතිඅපනයනය කිරීමට අවශ්ය පහසුකම් සපයන මධ්යස්ථානයක් ලෙස මෙය ක්රියාත්මක කිරීමට අපේක්ෂිතය. ත්
රිකුණාමලය තෙල් ටැංකි සංකීර්ණයේ එක් ටැංකියක ධාරිතාව මෙට්රික් ටොන් 12,000 ක් වන අතර ටැංකි 61 ක මුළු ධාරිතාව මෙට්රික් ටොන් 732,000 ක් පමණ වේ. දෙවන ලෝක යුද්ධ සමයේ බ්රිතාන්යයන් විසින් ඉදිකරන ලද මෙම සංකීර්ණය අක්කර 850 ක භූමි ප්රමාණයක විසිරී පවතී. ගුවන්යානා ප්රහාර සහ අනතුරු නිසා විනාශ වූ ටැංකි හැරුණු විට මුල් ටැංකි 101න් 99ක් දැනට ඉතිරිව පවතින අතර ඉන් 61ක් මෙම නව සංවර්ධන ව්යාපෘතිය යටතේ විදේශීය වෙළඳපොළට විවෘත වනු ඇත.
දැනට පවතින ඛනිජ තෙල් ගබඩා පර්යන්ත සමාගමට (CPSTL) සමාන මෙහෙයුම් පද්ධතියක් මෙහි ද ස්ථාපිත කිරීමට අපේක්ෂිත අතර අවශ්ය වුවහොත් අනාගත ව්යාප්ත කිරීම් සඳහා ඒ අවට අමතර ඉඩම් ද පවතී.
