බංග්ලාදේශය සහ එක්සත් ජනපදය අතර අත්සන් කර ඇති නව වෙළෙඳ ගිවිසුම යටතේ, බංග්ලාදේශයෙන් එක්සත් ජනපදයට අපනයනය කරනු ලබන භාණ්ඩ සදහා 19%ක බද්දක් පැනවීමට තීරණය වී ඇත. Sri Lanka Latest News
එහි ඇති විශේෂත්වය වන්නේ රෙදිපිළි හා ඇතැම් ඇඟලුම් වර්ගයන්ට වන බද්ද 0% දක්වා අඩු කිරීමට අමෙරිකාව එකඟතාවය පළ කිරීමය.
නව ගිවිසුමට අනුව, ඇමරිකානු කපු හෝ ඇමරිකානු මැනුෆැක්චර් ෆයිබර් භාවිතා කර නිෂ්පාදනය කරන ඇඟලුම් සඳහා, නියමිත කොටස් සීමාවන් (quota) යටතේ බද්දක් නොමැතිව ඇමරිකානු වෙළෙඳපොළට පිවිසීමේ අවස්ථාව බංග්ලාදේශයට ලැබේ.
මෙම පහසුකමෙන් පිටත වස්ත්ර හා අනෙකුත් බංග්ලාදේශ නිෂ්පාදන සඳහා, එක්සත් ජනපදය විසින් සාමාන්ය බද්ද ලෙස සම්මත 19%ක බද්දක් අය කරනු ඇත.
දකුණු ආසියාවේ වෙනත් රටවල්ට නැති වාසියක්
වෙළෙඳ විශ්ලේෂකයන් පෙන්වා දෙන්නේ, මෙම නව බද්ද රහිත පද්ධතිය හේතුවෙන් බංග්ලාදේශය ඉන්දියාව, වියට්නාමය සහ අනෙකුත් ප්රධාන ඇගලුම් අපනයන රටවල්ට වඩා විශේෂ තත්ත්වයකට පත්වන බවයි.
ඉන්දියාව සහ වියට්නාමය ඇතුළු රටවල් තවමත් එක්සත් ජනපදයට ඇඟලුම් අපනයනය කිරීමේදී 16% – 20% අතර බද්දකට මුහුණ දෙන අතර, ඔවුන්ට 0% බද්දක් ලබාදෙන සමාන ගිවිසුම් නොමැත.
බංග්ලාදේශ ඇගලුම් කර්මාන්තයට විශාල උත්ප්රේරණයක්
බංග්ලාදේශය, ලෝකයේ දෙවන විශාලතම ඇඟලුම් අපනයනකරු වන අතර, නව ගිවිසුම හරහා ඇමරිකානු අමුද්රව්ය භාවිතය වැඩි කිරීම මගින් නිෂ්පාදන පිරිවැය අඩු කර, තරඟකාරීත්වය වැඩි කර ගැනීමට හැකි වනු ඇතැයි අපනයනකරුවන් විශ්වාසය පළ කරති.
එමඟින්, බංග්ලාදේශයේ ඇගලුම්ක ර්මාන්තය තුළ අලුත් ආයෝජන, රැකියා අවස්ථා සහ විදේශ විනිමය ආදායම වැඩි වීමක් සිදුවිය හැකි බව ද සඳහන් වේ.
වෙළෙඳ පමණක් නොව භූගෝලීය පණිවිඩයක්
ආර්ථික විශ්ලේෂකයන් පෙන්වා දෙන්නේ, මෙම ගිවිසුම වාණිජ අරමුණු පමණක් නොව, ඇමරිකාව සහ දකුණු ආසියාව අතර සැපයුම් දාමයන් නැවත සකස් කිරීමේ භූ-දේශපාලනික උපායයක් ලෙස ද බැලිය හැකි බවයි.
