ලබන 15 වන දින ඉන්දියාවට එරෙහිව පැවැත්වීමට නියමිත T20 ලෝක කුසලාන A කාණ්ඩයේ තරගය වර්ජනය කිරීමය පාකිස්තානය කටයුතු කළද සැලසුම් කළ පරිදි ඉන්දියාව ශ්රී ලංකාවට පැමිණීමට නියමිතව ඇති බව වාර්තා වේ. Sri Lanka Latest News
ඒ අනුව ඉන්දීය කණ්ඩායම තරඟාවලියේ ප්රොටෝකෝලය දැඩි ලෙස අනුගමනය කිරීමට තීරණය කොට ඇති අතර තරග නිලධාරීන් ක්රීඩාංගණයේදී තරගය පිළිබද අවසන් තීරණයක් ගන්නා තෙක් බලා සිටින බව ආරංචි මාර්ග පෙන්වා දෙයි.
ANI වාර්තාවකට අනුව, ඉන්දියාවේ ක්රිකට් පාලක මණ්ඩලයේ ආරංචි මාර්ග පැවසුවේ සූර්යකුමාර් යාදව්ගේ නායකත්වයෙන් යුත් කණ්ඩායම නියමිත පරිදි කොළඹට ගොස් ජාත්යන්තර ක්රිකට් කවුන්සිලය විසින් නියම කර ඇති සියලුම අනිවාර්ය අවශ්යතා සම්පූර්ණ කරන බවයි.
පුහුණු සැසි, තරඟයට පෙර මාධ්ය හමුවක් සහ නියමිත වේලාවට ක්රීඩාංගණයට පැමිණීමද මෙයට ඇතුළත් වේ.
