අධ්යාපන ප්රතිසංස්කරණවලට අදාළ මොඩියුල සකස් කිරීමේ දී අක්රමිකතාවක් සිදුව ඇති බවට පිළිගෙන විමර්ශනයක් ආරම්භ කර ඇති බවත් මෙහි දී පරීක්ෂණය අවසන් වන තෙක් අධ්යක්ෂ ජනරාල්වරියට තාවකාලිකව රාජකාරී කටයුතුවලින් ඉවත් වීමට සිදුව ඇති බවත් මේ තත්ත්වය මත සමාජ විද්යා හා මානව ශාස්ත්ර පීඨයේ නියෝජ්ය අධ්යක්ෂ ජනරාල්, ඉංග්රීසි දෙපාර්තමේන්තුවේ ශාස්ත්රීය වැඩ සම්බන්ධ වගකිවයුතු නිලධාරීන් මෙන්ම ප්රශ්නගත මොඩියුලය සකස් කළ නිලධාරින් ගැන කිසිවක් සඳහන් නොවන බවත් විපක්ෂ නායකවරයා පැවසීය. Sri Lanka Latest News
ලෝකයේ සමහර රටවල් අන්තර්ජාල සබදතා සම්බන්ධ වයස් සීමාවක් පනවා ඇති මොහොතක මෙම මොඩියුලයේ අඩංගු නොවිය යුතු දේවල් අඩංගු වන්නට අධ්යක්ෂ ජනරාල්වරිය පමණක් නොව තවත් නිලධාරින්ද සම්බන්ධ බවත් මීට වඩා වැරදි අඩුපාඩු පවා මේ මොඩියුල්වල දක්නට ලැබෙන බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය.
ආගම් හා සාරධර්ම අධ්යාපනය යන්න තුළ බුද්ධ ධර්මයේ ධර්ම චක්රය වෙනුවට අශෝක චක්රය ඇතුළත් කර ඇති බවත් මෙය බරපතල ගැටලුවක් බවත් මේ වැරදි පවා නිවැරදි කළ යුතු බවත් රාජ්ය ලාංඡනයේ ඇති ධර්ම චක්රය මෙහි නොමැති බවත් මේ නිවැරදි කිරීම් ද සිදු කළ යුතු නිසා වඩාත් විධිමත් සාකච්ඡාවකට සංවාදයකට ලක් කළ යුතු බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
