ලංකා ඉතිහාසයේ සිදුවූ දැවැන්තම ජාතික ව්යසනය හමුවේ කඩිනමින් රට යළි ගොඩනැගීමට නම් ආණ්ඩු පක්ෂයේ සහ විපක්ෂයේ සියලු මන්ත්රීවරුන් එකතුවී නිශ්චිත කාලසීමාවකට ජාතික කවුන්සිලයක් පිහිටුවිය යුතු බවට විශේෂ යෝජනාවක් ඉදිරිපත් කිරීමේ සූදානමක් ඇති බව වාර්තා වේ.Sri Lanka Latest News
සර්ව ආගමික නායකයන්, විද්වතුන්, විශ්වවිද්යාල ආචාර්යවරුන්, සිවිල් සංවිධාන නියෝජිතයන්, ව්යාපාරික ප්රජාව නියෝජනය කරන ප්රබල කණ්ඩායමක් ආණ්ඩුව වෙත මෙම යෝජනාව ඉදිරිපත් කිරීමට සූදානමින් සිටින බව දැනගන්නට තිබේ.
ඒ අනුව පසුගිය සතියේ අවස්ථා ගණනාවකදී මෙම කණ්ඩායම රැස්වී සාකච්ඡා වට ගණනාවක් පවත්වා ඇති බව වාර්තා වේ.
මෙහිදී ඔවුන් පෙන්වාදී ඇත්තේ රට පත්ව ඇති දැවැන්ත ව්යසනය හමුවේ කඩිනමින් රට යථා තත්ත්වයට පත්කිරීමට නම් පක්ෂ, පාට, ජාති භේද, ආගම් භේදවලින් තොරව සියලු දෙනාම එකාවන්ව නිශ්චිත කාලයකට හෝ පාර්ලිමේන්තුව ඇතුළේ කටයුතු කළ යුතු බවකි.
අවම වශයෙන් මෙම ජාතික කවුන්සිලය වසරක කාලයක්වත් අඛණ්ඩව පවත්වාගෙන යායුතු බව ඔවුන්ගේ අදහස වී තිබේ.
එසේ නොමැතිව පාර්ලිමේන්තුව දෙකට බෙදී පක්ෂ විපක්ෂ වශයෙන් කටයුතු කිරීමට ගියහොත් මතුව ඇති ආපදා තත්ත්වයෙන් ගොඩ ඒම සිහිනයක් වනු ඇති බවත්, ඒ හරහා රට යළිත් ආර්ථික බංකොලොත්භාවයකට පත්වීමේ දැඩි අවදානමක් මතුවී ඇති බවත් ඔවුන්ගේ ස්ථාවරය වී ඇත.
