මේ යෝජනාව නිවැරදි කරන්න කියලා තමා මගේ ලිපියෙන් මම අහන්නේ. ඒ ලිපියේ මම කියනවා වතු කම්කරුවාට වැටුප රුපියල් 1700, 2000 කරන්න කියලා. ඒ වගේම එකට ඔයාලා විරුද්ධද? ඒ වගේම මම අහනවා පුද්ගලික සමාගම් 22ක තෝරාගත් දින 55 ඉක්මවා වැඩකරන ශ්රමිකයන්ට පමණක් නෙවෙයි, එහෙම ඉන්නවා නම් ඉන්නේ මුරකකාරයයි, කෝකියයි, ෆැක්ටරියේ වැඩකරන කීපදෙනයි විතරයි. දින 25ක් වැඩකරන ශ්රමිකයා විතරක් නෙවෙයි අනෙක් අයටත් ඕනේ. කුඩා හා මධ්ය පරිමාණ වතු මේ රටේ තේ ආර්ථිකයට 75%ක දායකත්වය දෙන අය. එතකොට ඒ අයව මේකෙන් අයින් කරන්න එපා, ඒ අයටත් ගෙවන්න කියලා. ඒක වැරදිද?Sri Lanka Latest News
මම දැක්කා ඒ දවස්වල අනුර කුමාර දිසානායක විපක්ෂයේ මන්ත්රීතුමා හැටියට ඉන්නකොට එතුමා කියනවා 1700 නොදෙන වතු ආණ්ඩුවට පවරාගන්න ඕනේ කියලා. මේ ගෙවීම 2024 අංක 46 දරන රාජ්ය මූල්ය කළමනාකරණ පනතට එකඟද නැද්ද කියලා තමයි මම මේකේ ඇහුවේ. නීතිපතිතුමා කියනවා ඒ පනත තමයි උත්තරීතර කියලා. හැබැයි තාම විගණකාධිපතිතුමා මට ඒකට උත්තරයක් දීලා නැහැ. මම කියනවා ගරු නියෝජ්ය කතානායකතුමනි, රටේ වතු ශ්රමිකයෝ ඉන්නවා 480,000ක්. ලාභ ලබන වතු සමාගම් 21 ඇතුළේ ඉන්නේ 101,000යි. ඒකෙන් දවස් 25 වැඩකරන අය 50,000ට අඩුයි, 20,000ක් විතර. අපි 20,000යි කියලා හිතුවොත් 460,000කට මේක හම්බවෙන්නේ නැහැ. එහෙම නම් මන්දපෝෂණය තියෙනවා, වහලේ සිදුරු වෙලා වැස්සට තහඩුව යටින් වතුර වැටෙනවා. ගෙදර පොළොවේ උල්දිය දානවා. ඒවා ඇහින් දැකපු, අත්විඳපු කෙනෙක් මම. එහෙම අය මේ 20,000 ඇතුළේ නැහැ. එහෙම නම් අපි සාධාරණය කරන්න ඕනේ මේ සියලු දෙනාටම. සමානයන් වෙනස් කොට සැලකීම කියන එක මේක ඇතුළේ සිද්ධ වෙනවා. ඒ නිසා තමා මම කිව්වේ හැමෝටම දෙන්න පුළුවන් ක්රමයක් මේක තුළ හදන්න කියලා.
මේකට වියදම් කරන්නේ ඒකාබද්ධ අරමුදලේ මුදල්. ඒවා නීත්යානුකූල වෙන්න ඕනේ. එහෙම නොවුණොත් මම අහනවා විගණකාධිපතිතුමාගෙන් මේකට අස්සන් කරන වැවිලි කටයුතු අමාත්යාංශයේ ලේකම්තුමා, ඒ වගේම අයවැය අධ්යක්ෂ ජනරාල්තුමා, වතු සමාගමේ ප්රධානීන් හිරේ යනවද? නැද්ද? දැන් එහෙම දේවල් සිද්ධ වෙලා තියෙනවා. එහෙම වෙනවද නැද්ද? ඔවුද නැද්ද? එහෙම වෙන්නේ නැත්නම් විගණකාධිපතිතුමා කියනවා නම්, මේවා අපි ගෙවමු. කෝප් එකේ අපි දකිනවා විගණකාධිපතිතුමා හැමදාම ඇවිල්ලා මේ මූල්ය කළමනාකරණ පනත ඉස්සරහට අරන් තමයි මේ ප්රශ්න කරන්නේ. එතකොට එතුමාට ආයේ මේ කෝප් එක ඇතුළේ කරන්න වැඩක් නැතුව යනවා.
මම අල්ලස් හා දූෂණ කොමිසමෙන් අහනවා, මේකෙ අල්ලස කියන වරද වෙන්නේ නැද්ද? වෙන්නේ නැහැයි කියනවා නම් අපි ගෙවමු. 1700 නෙවෙයි, 2000ක්. දින 25 විතරක් වැඩකරන කම්කරුවන්ට පමණක් නෙවෙයි, මේ වතු ශ්රමිකයෝ සියලු දෙනාට මේක ගෙවන්නට සමගි ජන බලවේගයේ ඇතුළුව රෝහිණි විජේරත්නත් මේකට එකඟයි. මෙන්න මේක සමාගත කරන්න ඕනේ. අපි මේ වතු ශ්රමිකයාගේ තියෙන සැබෑ ගැටලුව දඩමීමා කරගෙන, ඒ අයව එළියට දාලා පින්තූර පුච්චලා තමන්ගේ දේශපාලන වාසිය ගන්නවා නම් මම හිතනවා ඒවා තමා තුච්ඡ වැඩ. ඒ නිසා මම එදත්, අදත්, හෙටත් මේ වතු ශ්රමිකයා වෙනුවෙන් පෙනී ඉන්නවා. ඕගොල්ලෝ පෙළපාළි නෙවෙයි, පින්තූර පිච්චුවට නෙවෙයි, මාව පාරේ මරලා දැම්මත් මේ අයට හොඳ ක්රමයක් ලැබෙනකන් මගේ සටන මම ගෙනියනවා. මගේ මතය වෙනුවෙන් මම පෙනී ඉන්නවා. මොකද මන්දපෝෂණය තියෙන්නේ, වහලේ හිල් වෙලා තියෙන්නේ, පොළොවේ බිම උල්දිය දාන්නේ අර කියන ප්රධාන සමාගම් විසිඑකේ අය නෙවෙයි. ’
චානක ලියනගේ
