ශ්රී ලංකා ප්රජාතන්ත්රවාදී සමාජවාදී ජනරජයේ උත්තරීතර නීතිය වන ආණ්ඩුක්රම ව්යවස්ථාවේ 2 වැනි පරිච්ඡේදය මගින් ශ්රී ලංකා ජනරජයේ බුද්ධාගමට ප්රමුඛස්ථානය පිරිනමන බවත් අනෙකුත් සියලුම ආගම්වලට පිරිනැමෙන අයිතිවාසිකම් ආරක්ෂා කරන අතරම බුද්ධශාසනය සුරක්ෂිත කොට පෝෂණය කිරීම රජයේ වගකීමක් විය යුතු බවට එහි සඳහන් බවත් බුද්ධශාසනය මෙන්ම එහි චිරස්ථිතිය වෙනුවෙන් කටයුතු කරන සංඝයා වහන්සේලා ආරක්ෂා කිරීමත් චිරාත්කාලයක් පැවැත ආ සග පරපුරේ පිළිවෙත් හා එහි උරුමයන් ආරක්ෂා කිරීමත් රජයේ මුඛ්ය පරමාර්ථය විය යුතු වුවත් වත්මන් රජය එම සංස්කෘතික උරුමයන් නොසලකා හැර කටයුතු කරන බවත් විපක්ෂ නායක සජිත් ප්රේමදාස මහතා අද පාර්ලිමෙන්තුවේ දී පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේ දී ස්ථාවර නියෝග 27 (2) යටතේ ප්රශ්න කරමිනි.
1979 අංක 64 දරන පිරිවෙන් අධ්යාපන පනත සංශෝධනයට කිරීමට රජය උත්සාහ ගන්නේ නම් එම යෝජිත සංශෝධන ඉදිරිපත් කරන ලෙසත් මෙම පනත සංශෝධනයට පසුබිම් වූ කරුණු කාරණා ඉදිරිපත් කරන ලෙසත් මේ පනත සංශෝධනය හරහා කෘත්යාධිකාරි හිමිවරුන්ට පනත මගින් ලබා දී ඇති වරප්රසාද අහෝසි කිරිමට රජය උත්සාහ ගන්නේද කියා දැන ගැනීමට අවශ්ය බවත් විපක්ෂ නායකවරයා මෙහි දී පැවසීය.
එසේම පිරිවෙන් හි ඉගැන්වීම් කරන ගිහි ආචාර්යවරුන් වෙනුවෙන් පිරිවෙන් අධ්යාපන පනතට පටහැනි බලතල හෝ වරප්රසාද ලබා දීමට රජය උත්සාහ කරන්නේ නම් ඊට පාදක වු කරුණු ඉදිරිපත් කරන ලෙසත් පිරිවෙන් අධ්යාපනය සම්ප්රදානුකූල ඉගැන්වීමෙන් බැහැරව ක්රියාත්මක වන නිසා පැහැදිලි පිළිතුරක් දෙන ලෙසත් පිරිවෙන් අධ්යාපනයේ විෂය නිර්දේශ සංශෝධනය යෝජිත වැඩපිළිවෙළත් මෙම අධ්යාපන ප්රතිසංස්කරණ සිදු කරන විෂයන් සහ කාලරාමුව ඉදිරිපත් කරන ලෙසත් විපක්ෂ නායකවරයා පැවසීය.
තවද බුද්ධශාසනය රැක ගැනීමට කැපවෙන ශාසනලැදි භික්ෂූන් වහන්සේලා ආරක්ෂා කර ගැනීමට රජය සතු වැඩපිළිවෙළත් බුදුදහමට අගෞරව වන අයුරින් හැසිරෙන භික්ෂූන්ලා ශාසනයෙන් ඉවත් කිරිමට රජය සතු වැඩපිළිවෙළ මෙන්ම ඊට අදාළ පවතින නීති ශක්තිමත් කිරිමට ගෙන ඇති පියවරත් ඉදිරිපත් කරන ලෙස පැවසූ විපක්ෂ නායකවරයා කියා සිටියේ විවිධ පාර්ශ්වකරුවන්ගේ අනුග්රහ මත බුදුදහම විකෘති කරන අය සිටින නිසා මේ සම්බන්ධයෙන් රජය පියවරක් ගත යුතු බවයි.
1931 අංක 19 දරන බෞද්ධ විහාර හා දේවාලගම් ආඥා පනතේ 41 සහ 42 වගන්ති මගින් සග පරපුරේ ආරක්ෂාව වෙනුවෙන් ලබා දී ඇති නිත්යානුකූල ආරක්ෂාව ප්රමාණවත්ද කියා රජය දැක්විය යුතු බවත් මේ වගන්ති සංශෝධනයට රජය සතු වැඩපිළිවෙළ ඉදිරිපත් කරන ලෙසත් මේ වගන්ති සංශෝධනය කර සග පරපුරට ලබා දෙන ආරක්ෂාව ශක්තිමත් කරන ලෙස මහනායක හිමිවරුන් පවා ඉල්ලීම් කර ඇති බවත් විපක්ෂ නායකවරයා පැවසීය.
එසේම 2025 වසරේ බුද්ධශාසන අමාත්යාංශයට වෙන් කළ මූල්ය ප්රමාණය සහ එහි භෞතික හා මුල්ය ප්රගතියත් 2026 වසරේ දී මේ අමාත්යාංශය යටතේ බුද්ධ ශාසනයේ අභිවෘද්ධිය වෙනුවෙන් ක්රියාත්මක කරන වැඩසටහන් හා ඒ වෙනුවෙන් වෙන් කළ ප්රතිපාදන ඉදිරිපත් කරන ලෙසත් විපක්ෂ නායකවරයා පෙන්වා පැවසීය.
