ජනාධිපති අනුර නුවරදී 2024 මහමැතිවරණ රැලියකදී කීවේ නුවර අධිවේගී මාර්ගය හදන්න ජපාන සහාය ගන්න ජපාන තානාපති සමග සාකච්ඡා කළ බවත්, සාකච්ඡා සාර්ථක බවත්ය. ඔහු එම ප්රකාශය කළේ නුවර අධිවේගී මාර්ගය අවසන් කරන ලෙස මහානායක හිමිවරුන්ගේ ඉල්ලීම් සලකා බැලීමෙන් පසුවය. එහෙත් පසුගියදා ජනාධිපති අනුර නුවර අධිවේගයේ මීරිගම-කඩවත කොටස ආරම්භ කළේ චීන ණය මුදලක් අනුමත කරගෙනය. ලංකාවේ ගුවන් තොටුපළ සංවර්ධන ව්යාපෘතියට ජපානය ලංකාවට ණය ලබාදී තිබෙන්නේ 0.18%ක පොලියකටය. අනුරගේ ආණ්ඩුව මීරිගම-කඩවත කොටස හදන්න චීනයෙන් ණය අරගෙන තිබෙන්නේ 2.5%ක පොලියකටය. පසුගියදා කෝප් සභාපති හර්ෂ ද සිල්වා පවසා තිබුණේ කඩවත-මීරිගම කොටස හදන්න චීනයෙන් ගත් ණයවලට ගෙවන පොලිය ලංකාවට අවාසිදායක බවය. චීනය මුලින් එකඟ වූයේ ඇමෙරිකානු ඩොලර් බිලියනයක ණයක් දෙන්නටය. එම බිලියන ණයට පොලිය ලෙස එකඟ වී තිබුණේ 2.5%ක ස්ථිර පොලී ප්රතිශතයකි. අනුරගේ ආණ්ඩුව එම ණය පහසුකම ඇමෙරිකානු ඩොලර් 500 දක්වා අඩුකරගෙන පොලිය 3.5%ක පාවෙන ප්රතිශතයකට වැඩිකරගෙන ඇත. හර්ෂ ද සිල්වා මුදල් කමිටුවේදී ප්රකාශ කර ඇත්තේ එම ගනුදෙනුව ලංකාවට අවාසිදායක බවය.Sri Lanka Latest News
චීන තානාපති මීරිගම-කඩවත කොටස වැඩ ආරම්භ කිරීමේ උත්සවයට සහභාගි වීමට පෙර හිටපු ජනාධිපති මහින්ද රාජපක්ෂ ආණ්ඩුවේ තීරණයක් මත නිල නිවසින් යන විට ඔහුව හමුවීමට ගොස් සිටියේය. ඉන් පසු ඔහු රනිල් හමුවිය. ඔහු මහින්ද සහ රනිල් හමුවීමට ගියේ චීන ජාතික දිනයට ආරාධනා පත් භාරදීමටය. නමුත් ඇතැම් මාධ්ය වාර්තා කොට තිබුණේ චීන තානාපතිවරයා මහින්දට කරදර නොකරන ලෙසට අනුරගේ ආණ්ඩුවෙන් ඉල්ලීමක් කර තිබූ බවය.
මහින්ද සහ රනිල් හමුවූ චීන තානාපති මීරිගම-කඩවත කොටස විවෘත කරන උත්සවයට ගොස් අනුරගේ ආණ්ඩුව ඉහළින්ම වර්ණනා කළේය. ඒ මීරිගම-කඩවත කොටස ඉදිකිරීම හරහා චීනයට මූල්යමය වශයෙන් වාසිදායක වීමත්, එම අධිවේගය ඉදිකිරීමට ණය දීමෙන් මහානායක හිමිවරුන් සහ මෙරට සිංහල බෞද්ධ ජනතාව දිනාගැනීමට අවස්ථාවක් සැලසෙන නිසා විය හැකිය. චීන තානාපතිවරයා මහානායක හිමිවරු හමුවූ විටදී නුවර අධිවේගී මාර්ගය ගැන සාකච්ඡා කරන බව වාර්තා වේ. චීන තානාපතිවරයා නුවර අධිවේගී මාර්ගයට දක්වන උනන්දුව මත මෙම ණය මුදල සහ පොලිය ලංකාවට වාසි ලෙස වෙනස් කරගැනීමට ආණ්ඩුවට හැකියාව තිබිණි. ඒත් ආණ්ඩුව ඒ අවස්ථාවෙන් ප්රයෝජන ගෙන නැත්තේ මහින්ද ආරම්භ කළ චීන ණය උගුලට වත්මන් ආණ්ඩුවද හසුවී තිබෙන නිසාද දන්නේ නැත. භයානකකම ආණ්ඩුව ලංකාවට අවාසිදායක ගනුදෙනුවකට යන්නේ ලංකාවේ ආර්ථිකය බංකොලොත් වී ඇති පසුබිමකය.
