බුදු දහම සුරක්ෂිත කිරීම ආරක්ෂා කිරීම ප්රවර්ධනය කිරීම රැකගැනීම අප සියලු දෙනාගේම වගකීමක් බවත් එය රටේ උත්තරීතර නීතිය බවත් ආණ්ඩුක්රම ව්යවස්ථාවේ බුදුදහමට සුවිශේෂී ස්ථාවරයක් ලබා දී බුදු සසුන රැක ගෙන සෙසු ආගම් ජාතීන්ට නියමිත රැකවරණය ස්ථානය ලබා දෙමින් ඒකීය මාතෘභූමිය තුළ එක්සේසත් වූ ශ්රී ලංකාවක් තුළ මේ ආගමික ක්රියාදාමය ක්රියාත්මක කරන්න කැපවිය යුතු බවත් විපක්ෂ නායකවරයා පැවසීය.Sri Lanka Latest News
දිවංගත රණසිංහ ප්රේමදාස මහතා බුද්ධශාසන අමාත්යාංශය සහ බුද්ධ ශාසන අරමුදලක් ඇති කර භික්ෂු මාපිය කැපකරු ක්රමයක් ද ආරම්භ කර ආණ්ඩුක්රම ව්යවස්ථාවේ බුදුදහමට ලබා දී ඇති සුවිශේෂී ස්ථානයට ප්රායෝගික ක්රියාදාමයක් එක් කළ බවත් අද වන විට අප රටේ බෞද්ධ ආගමික පුනරුදයක් ක්රියාත්මක විය යුතු යුගයක් බවත් බුදුදහම විකෘති කරමින් විවිධ කණ්ඩායම් රට තුළ ක්රියාත්මක කරන විවිධ ක්රියාදාමයන් පරාජය කිරිමට ගෞරවනීය මහා සංඝරත්නයේ අනුශාසනා තුළ ගැබ්වූ කරුණු කාරණා උපයෝගි කර ගෙන අවශ්ය අනපණත් ක්රියාත්මක කරන්න නායකත්වය ලබා දෙන්න පාර්ලිමේන්තුවේ සියලු දෙනා සූදානම් විය යුතු බවත් විපක්ෂ නායක සජිත් ප්රේමදාස මහතා පැවසීය.
ජය ශ්රී මහා බෝධීන් වහන්සේගේ අංකුර බෝධීන් වහන්සේ නමක් රෝපණය කිරීමත් දස බල සෑ රදුන් වහන්සේ උදෙසා මංගල ශිලා පිහිටුවීම යන මහා දැවැන්ත චෛත්ය රාජායාණන් වහන්සේ නමක් ඉදි කිරීමේ මහා පුන්යකර්මය ආරම්භ වීම, සුවිශේෂී ලෙස අන්තර්ජාතික බෞද්ධ අධ්යාපන ආයතනයක් ස්ථාපිත කිරීම යන ආගමික සංවර්ධන පුන්යකර්ම රැසක් සිදු වූ තිරප්පනේ ලබුනෝරුව ගම්මානයේ පිහිටි ආරන්ය සේනාසනයේ පැවැති උත්සව අවස්ථාවට එක්වෙමින් විපක්ෂ නායක සජිත් ප්රේමදාස මහතා මේ බව කියා සිටියේය.
අප රටේ පන්සල් 14129ක් ඇති බවත් ශාසනාරක්ෂක බල මණ්ඩල කොට්ඨාස 327ක් ඇති බවත් ආරන්ය සේනාසන 412ක් පිරිවෙන් 824ක් දහම්පාසල් 10347ක් ඇති බවත් මේවා රැකගන්න ප්රායෝගික වැඩපිළිවෙළක් අවශ්ය බවත් සත්ය වශයෙන්ම මේ ව්යාපෘති සාර්ථක කරන්න සියලු දෙනා කැපවිය යුතු බවත් ඉතා ඉක්මනින් යම්කිසි ඉඩම් ගැටලු ඇත්නම් ඒවා නිරවුල් කර ශක්තිමත් කළ යුතු බවත් වැවයි දාගැබයි ගමයි පන්සලයි කියන සංස්කෘතිය ගොඩනගන මූලික පද්ධතිය රැකගෙන ඉදිරි ගමන යා යුතු බවත් සම්බුද්ධ ශාසනය රැක ගන්නා මුර දේවතාවුන් වන ගෞරවනීය ස්වාමීන් වහන්සේලා රැකගත යුතු බවත් විපක්ෂ නායකවරයා වැඩිදුරටත් පෙන්වා දුන්නේය.
තවද බෞද්ධ ජනතාව මෙන්ම රටේ සියලු දෙනා සම්බුද්ධ ශාසනයේ සුරක්ෂිත භාවය තහවුරු කිරීම මෙන්ම සෙසු ආගම්වලට ජාතීන්ට සහ සංස්කෘතීන්ට නිසි තැන ලබා දීම තුළ බුදු සසුන බබලවමින් මේ ගමන ක්රියාත්මක කළ හැකි බවත් නොබෙදී වෙන් නොවී පොදු අරමුණක් කරා යන ගමනේදී සියලු දෙනා එකට එකතු විය යුතු බවත් විපක්ෂ නායකවරයා වැඩිදුරටත් පැවසීය.
1987 දී ජගත් නිවාස වසර එක්සත් ජාතීන්ගේ සංවිධානයේ අනුමැතිය ලබා ගන්න රණසිංහ ප්රේමදාස මහතා කටයුතු කළ බවත් ඒ දේ ඉටු වීමත් සමග දළදා හිමියන්ට රන් වියනක් ඉදි කරන්න කටයුතු කරන බවට සිතා ගත්තත් ඒ ව්යාපෘතිය අගමැතිවරයා ලෙස කරන්න හදන විට යම් යම් පුද්ගලයන් ඊට විරුද්ධ වූ අතර ඒ අතර බෞද්ධ ප්රජාවද සිටි බවත් මේ සියල්ල තමා අත්දුටු බැවින් එවැනි බෙදීම් ඇති නොවිය යුතු බවත් බෞද්ධ ප්රජාව ලෙස එකට එකතු වී එක්සේසත් වී බුදු දහම විකෘති කරන්න යන කුමන්ත්රණ පරජය කළ යුතු බවත් විපක්ෂ නායකවරයා තවදුරටත් පැවසීය.
