විදුලිබල මණ්ඩලයේ සේවකයන් ක්රියාත්මක කරන වෘත්තිය ක්රියාමාර්ගයට ආණ්ඩුව ධනාත්මක ප්රතිචාරයක් නොදක්වන්නේ නම් මෙම මස 21 වැනිදායින් පසුව වැඩවර්ජනයකට යන බව ලංකා විදුලිබල මණ්ඩලයේ නිදහස් සේවක සංගමයේ ප්රධාන ලේකම් ප්රභාත් ප්රියන්ත මහතා පැවසීය.Sri Lanka Latest News
විදුලිබල මණ්ඩලයේ සේවකයන් මෙම මස 4 වැනිදා සිට ක්රියාත්මක කරන අකුරට වැඩකිරීමේ වෘත්තිය ක්රියාමාර්ගය සම්බන්ධයෙන් පැහැදිළි කරමින් ප්රභාත් ප්රියන්ත මහතා එසේ පැවසීය.
විදුලිබල මණ්ඩලයේ ඉංජිනේරුවන්ගේ සිට සියලුම නිලධාරීන් අද 16 සිට බාහිර රාජකාරිවලින් ඉවත් වන බවත් 17 සහ 18 වැනිදා විදුලිබල මණ්ඩලයේ 21,800 කට ආසන්න සමස්ත සේවකයන් දින දෙක ලෙඩ නිවාඩු වාර්තා කරන බවත් ඒ මහතා කීය.
එම දින දෙක තුළ කොළඹ විදුලිබල මණඩල ප්රධාන කාර්යාලය ඉදිරිපිට අති දැවැන්ත උද්ඝෝසණයක් පවත්වන බවත් විදුලිබල මණ්ඩලයේ සේවකයන්ගේ මෙම වෘත්තිය ක්රියාමාර්ගය සැහැල්ලුවට ගන්න එපා යැයි ආණ්ඩුවට කියන බවත් ඔහු සඳහන් කළේය.
ආණ්ඩුව උද්ධච්ඡ මානසිකත්වයෙන් කටයුතු කර මෙරට හැත්තෑදෙලක්ෂයක විදුලි පාරිභෝගිකයන් අපහසුතාවට පත්නොකර මෙම අවස්ථාවේදී ගැටලුව විසදාගැනීමට කටයුතු කරන්නැයි පවසන බව ද ප්රභාත් ප්රියන්ත මහතා වැඩි දුරටත් පැවසීය.
