පළමු කොරෝනා රැල්ල පැමිණි අවස්ථාවේ නියමිත වේලාවට ගුවන්තොටුපොළ වසා නොදැමීම හේතුවෙන් රටේම ජනතාවට දින 70ක් නිවෙස්වලට වී ගත කිරීමට සිදු වූ බවත්, ඊට ජනාධිපතිවරයා සහ අගමැතිවරයා සම්පූර්ණයෙන්ම වගකිව යුතු බවත් සමගි ජන බලවේගයේ අපේක්ෂක පාඨලී චම්පික රණවක මහතා චෝදනා කරයි.
ඒ මහතා පෙන්වා දෙන්නේ බල ලෝභයෙන් මත්ව මැතිවරණ පැවැත්වීම සදහා රාජපක්ෂවරුන් එසේ කළ බවකි.
එමෙන්ම දෙවන කොරෝනා රැල්ලටද වගකිව යුත්තේ ජනාධිපතිවරයා සහ අගමැතිවරයා බව කියා සිටි රණවක මහතා තොණ්ඩමන් මහතාගේ අවමගුලේදී ප්රසිද්ධියේ නිරෝධායන නීති කඩකරමින් රටම අවදානමේ හෙලූ බව කියා සිටියේය.
මේ හේතුවෙන් දැන් සෞඛ්ය අධ්යක්ෂ ජනරාල්වරයාට හෝ පොලිස් මාධ්ය ප්රකාශකවරයාට නිරෝධායන නීති පිළිබදව ජනතාවට උපදෙස් දිය නොහැකි බවද ඒ මහතා කියා සිටියේය.
මීට අමතරව පාදෙණිය මහතා යුද්ධයට යවා ෂවේන්ද්ර සිල්වා මහතා වසංගත මර්දනයට යොදාගෙන ආණ්ඩුව මහා විහිළුවක් කළ බවද රණවක මහතා අවධාරණය කළේය.
