සමලිංගික විවාහයන්ට නීතියෙන් අවසර ලබාදිය යුතු බවට මෙරට යම් යම් සංවිධාන විසින් සමාජය තුළ මතයක් ගොඩනගමින් සිටින බවත් ඒ හරහා වසර සිය දහස් ගණනක් තිස්සේ රටේ පැවැති සමාජ සභ්යත්වයට දැඩි බලපෑමක් එල්ලවන බවත් කොළඹ අගරදගුරු අතිඋතුම් මැල්කම් රංජිත් හිමිපාණන් පවසනවා. පසුගියදා පැවැති දිව්ය පූජා අවස්ථාවකදී උන්වහන්සේ ඒ සම්බන්ධයෙන් මෙලෙස අදහස් දක්වා සිටියා. Sri Lanka Latest News
‘යුරෝපාකරේ රටවල, ඇමෙරිකා එක්සත් ජනපදයේ, ඔස්ටේ්රලියාවේ, එංගලන්තයේ, මේ වගේ රටවල මේ අදහස් ඉස්මතු වෙලා, අද තරුණ තරුණියෝ විවාහ ජීවිතය ගැන කිසිම භාවනාවක් නොකර, හරියට ඒක තේරුම් නොගෙන, ඕනෑවට එපාවට, තමන්ගේ හැ`ඟීම්වලට වහල් වෙලා, හැඟීම් අනුව විවාහ ජීවිතයට තමන්ගේ සහකාරයා හෝ සහකාරිය තෝරාගැනීමේ කටයුත්තේ යෙදී තිබෙනවා.
ඒ නිසා බොහෝ දුරට තාවකාලික අත්දැකීමක් පමණක් බවට විවාහ ජීවිතය හුරුවෙන්න පටන් අරන් තියෙනවා. ඒ විතරක් නෙමෙයි, අද මනුෂ්ය සමාජයේ දූෂිත ආකල්ප සමාජය තුළට ගලා එමින් පවතිනවා. පිරිමි පිරිමි දෙන්නෙක් විවාහ වෙනවා, ගැහැනු ගැහැනු දෙන්නෙක් විවාහ වෙනවා කියලා අන්න එහෙම සමලිංගික විවාහ පවා විදේශීය රටවල සිදුවෙන තත්ත්වයකට ඇවිල්ලා තියෙන නිසා ලංකාවෙත් මේ වගේ දේවල් ප්රචාරය කරන්නට යම් යම් සංවිධාන සහ ආයතන ඉදිරිපත් වෙලා තියෙනවා. මේක මානව අයිතිවාසිකමක් කියලා කියනවා.
මේක කොහොමද මානව අයිතිවාසිකමක් වෙන්නේ? කොහොමද පිරිමි දෙන්නෙක් පවුලක් හදන්නේ? කොහොමද දරුවෝ ලබන්නේ? ඒකටත් ඔය ඇමෙරිකාව වගේ රටවල තියෙනවා විකල්ප. එනම් දරුවෝ හදාගන්නවා. පිරිමි දෙන්නෙක් කොහොමද දරුවෙක් හදාගන්නේ? ගැහැනු දෙන්නෙක් කොහොමද දරුවෙක් හදන්නේ?
අද මිනිස් සමාජය ගිහිල්ලා තියෙන ගමන් මාර්ගය නිසා මේ විවාහ සංස්ථාව සම්පූර්ණයෙන්ම ඉතා දූෂිත තත්ත්වයකට ඇද දමන ක්රමවේදයන් ලෝකය තුළත්, අපේ රට තුළත් ඇතිවෙමින් පවතිනවා.
එදා පළමුවැනි වතාවට ස්වාමිපුරුෂයා සහ භාර්යාව සමහර වෙලාවට මුණගැසුණේ දේවස්ථානයේ, එහෙම නැත්නම් භාර්යාවගේ ගෙදර, එහෙම නැත්නම් මංගල්යයකදී, එහෙම නැත්නම් විශේෂ හමුවීමකදී, මවුපියෝ එක්කහු වෙලා කතාකරලා, සූදානම් කරලා, ලස්සනට ඒ ගැන මෙනෙහි කරලා, ඒ වගේ විවාහ සිදුවුණු කාලේ සිදුවෙච්ච විවාහ අද තියෙන තත්ත්වයට වඩා සාර්ථක විවාහ බවට පත්වෙලා තියෙනවා.
සංඛ්යා ලේඛන, දත්ත අරන් බැලුවොත්, ස්වාමිපුරුෂයෝ සහ භාර්යාවෝ තම තමන් යාළු වෙලා කසාද බැන්දම එය බිඳවැටෙන අවස්ථා වැඩියි. ඒ මොකද? විවාහය කියන්නේ සක්රමේන්තුවක් කියන එක, දෙවියන් වහන්සේ හදන දෙයක්, එය අබිරහසක්, එය දේව සැලැස්මේ කොටසක් කියලා තේරුම් ගන්නට බැරි, භෞතික පැවැත්ම ගැන පමණක් හිතන ආයතනයක්, සංස්ථාවක් ලෙස සලකන නිසා මිනිස් සමාජයට අද මේ තත්ත්වය උදාවේගෙන එනවා. මෙය ලංකාව තුළ බිහිවෙමින් පවතින එක ඇත්ත වශයෙන්ම ඉතාමත්ම කනගාටුදායක තත්වයක්.’
NewsCenter.lk
