දකුණු කොරියාවේ ගඩොල් කර්මාන්ත ශාලාවක සේවය කළ ශ්රී ලාංකික සංක්රමණික සේවකයෙකුට, ඔහුගේ සගයන් විසින් forklift එකකට බැඳ සමච්චල් කරන වීඩියෝවත් සමාජ මාධ්යවල ව්යාප්ත වීමෙන් පසුව, එය දෙරටේම අන්දෝලනයකට හේතු වී තිබේ.Sri Lanka Latest News
මෙම වසර මුලදී, නාජු හි කර්මාන්ත ශාලාවක සිදු වූ සිද්ධියේදී, මේ ශ්රී ලාංකික සේවකයා forklift එකකට තබා බැඳ ඔසවා අනෙක් අය සිනාසෙමින් එම දර්ශනය රූගත කළහ. “වේදනාව සහ නින්දාව තවමත් මට හිසරදයක්. මම ඒ ගැන හිතන්නවත් කැමති නැහැ,” වීඩියෝව අන්තර්ජාලයට නිකුත් වී මාස කිහිපයකට පසු ඔහු සම්මුඛ සාකච්ඡාවකදී මේ ගැන පැවසීය.
අයිතිවාසිකම් කණ්ඩායම්වලට අනුව, සේවකයා කිසිදු වරදක් කර නැත, නමුත් තවත් ශ්රී ලාංකිකයෙකුට ගඩොල් ඔතන ආකාරය ඉගැන්වීම ප්රතික්ශේප කළ බවට ඔහුට දොස් පවරා තිබෙනවා. පසුව, ඔහුට දිගටම හිරිහැර කර තිබුණු අතර, දිගින් දිගටම මේ තත්ත්වය අත්විඳීමට සිදු වූ නිසා ඔහු ජියෝනාම් සංක්රමණික සේවක මානව හිමිකම් ජාලයෙන් උදව් ඉල්ලා තිබෙනවා. නමුත් තවමත් කිසිවෙක් ඔහුගෙන් ඍජුවම සමාව ඉල්ලා නැත.
මෙම කම්පන සහගත ක්රියාව හුදෙක් වැරදි විහිළුවක් පමණක් නොවේ. කොරියාවේ අයිතිවාසිකම් වෙනුවෙන් පෙනී සිටින සංවිධාන පවසන්නේ, මෙය, සමාජයේ මූලිකවම විදේශ සේවකයන්ට එරෙහිව පවතින වෛර සහගත සංස්කෘතියක් බවයි.
කෙසේවෙතත් දකුණු කොරියාවේ කර්මාන්ත ශාලාවකදී ශ්රී ලාංකික සේවකයෙකු බැඳ දමා ෆෝක්ලිෆ්ට් යන්ත්රයකින් එහා මෙහා ගෙන යන වීඩියෝවක් හේතුවෙන් සංක්රමණික සේවකයන්ට සිදුවන හිංසනය වැළැක්වීමට පියවර ගන්නා ලෙස දකුණු කොරියානු ජනාධිපති ලී ජේ මියුං නිලධාරීන්ට නියෝග කර තිබෙනවා.
එහිදී ජනාධිපතිවරයා සිය ෆේස්බුක් සටහනක සඳහන් කර ඇත්තේ “වීඩියෝව නැරඹීමෙන් පසු මට මගේ ඇස් අදහා ගත නොහැකි විය. එය සුළුතර පුද්ගලයෙකුට සිදු කළ දරාගත නොහැකි උල්ලංඝනයක් මෙන්ම පැහැදිලි මානව හිමිකම් උල්ලංඝනයකි.” යනුවෙන්.
එමෙන්ම එරට කැබිනට් මණ්ඩල රැස්වීමකදී ද ජනාධිපති ලී, සේවකයාට සැලකූ ආකාරය හෙළා දැක ඇති අතර, දකුණු කොරියාවේ ජාත්යන්තර ප්රතිරූපය පිළිබඳව ද කනස්සල්ල පළ කර ඇති බවයි එරට මාධ්ය වාර්තා කරන්නේ.
ඔහු, දකුණු කොරියාවේ සංක්රමණික සේවකයන්ගේ සහ අනෙකුත් සුළු ජාතීන්ගේ සේවා තත්ත්වයන් පිළිබඳව පරීක්ෂණයක් පවත්වා, ඕනෑම අපයෝජනයක් අවසන් කිරීමට යථාර්ථවාදී පියවර ගන්නා ලෙස රජයේ අමාත්යාංශවලට නියෝග කර තිබෙනවා.
