දූෂණ වංචා වල නිරත වූ නිළධාරියෙකු සම්බන්ධයෙන් මහනුවර මහ නගර සභාවේ පුරපති චන්ද්රසිරි විජේනායක මහතා විසින් නගර සභාවේ සභා වාරයේදී සිදු කළ ප්රකාශයක් මුල්කරගනිමින් ඊට විරෝධය පල කර අද 22 පෙරවරුවේ නගර සභාවේ වරිපණම් අංශයේ සේවකයින් සිය රාජකාරි කටයුතු වලින් තාවකාලිකව ඉවත් වූහ.Sri Lanka Latest News
මේ හේතුවෙන් නගර සභාවට වරිපණම් ගාස්තු ජල,විදුලි ඇතුලු විවිධ ගෙවීම් සදහා පැමිණි ජනතාව දැඩි අපහසුතාවයට පත් වූහ.
රාජ්ය සේවකයින් ඉතා සුළු සිදුවීම් වලට පවා ජනතාව පීඩාවට පත් කරමින් සිදු කළ මෙම විරෝධතාවය සදහා එක්වූ වරිපණම් අංශයේ නිළධාරින්ට ජනතාවගේ විරෝධය එල්ල වූ අතර ඔවුන් සදහන් කළේ වරිපණම් ගෙවීම් ඇතුලු සේවා සැපයීම් ගණනාවකදී තමන් අපහසුතාවට පත් වන බැවින් වත්මන් පුරපතිවරයා මේ පිළිබඳව විශේෂ අවධානය යොමු කළ යුතු බවයි.
නගර සභාවේ වරිපණම් අංශයේ එක්තරා දූෂිත නිළධාරියෙකු වරිපනම් අය කර ගැනීමේදී නගරයේ කාන්තාවකට සිදු කළ අයථා බලපෑමක් පිළිබඳව තමන් පසුගිය සභා වාරයේදී කළ ප්රකාශයක් හා එම ප්රකාශය මාධ්ය මගින් ප්රචාරය වීමෙන් පසු උරණ වූ වරිපනම් අංශයේ පිරිසක් උදෑසන සුළු වේලාවක් රාජකාරිවලින් බැහැර වී ඇති බව මේ සම්බන්ධයෙන් අප කළ විමසුමකදී පුරපති විජේනායක මහතා පැවසීය.මෙම විරෝධය නගර සභාවේ කිසියම් අදිසි හස්තයක් විසින් මෙහෙයවා ඇති බවද ඒ මහතා කීය.
මහනුවර මහ නගර සභාවේ වරිපණම් අංශයේ සිදු වන බව කියන අක්රමිකතා ජනතාවගේ නාමයෙන් දැන්වත් නවතා දමන ලෙස ඊට සම්බන්ධ වන පාර්ශව වලින් ඉල්ලා සිටි බවද එසේ වෙනස් වීමට අකමැති නිළධාරින් සිටී නම් පුරපති වරයා ලෙස තමන්ට ඇති බලතල පාවිච්චි කර මාරු කිරීමට පෙර කැමැති තැනකට සේවයට යන ලෙස දූෂිත නිළධාරින්ට තමන් ප්රසිද්ධියේ දැනුම්දීමක් කළ බවද ඒ මහතා පැවැසිය.
කැන්ඩි ප්රයිම් නිව්ස්
