ශ්රී ලංකා යුද හමුදාවට චෝදනා එල්ල වී තිබෙන සමුහ ඝාතනයකින් මියගිය පනහකට වැඩි ගම්වාසීන් පිරිසක් අනුස්මරණය සදහා නැගෙනහිර ඉදිකොට තිබෙන ස්මාරකයක් සමීපයෙන් මිනිස් අස්ථි කොටස් මතුවී තිබේ.Sri Lanka Latest News
ත්රිකුණාමල දිස්ත්රික්කයේ සාම්පූර් වෙරළේ බිම් බෝම්බ සෙවීමේ යෙදී සිටි බ්රිතාන්යය මූලස්ථාන කොටගත් ආයතනයකට හිස් කබලක් ඇතුලු ඇටකටු හමුවීමෙන් පසු, මෙහෙයුම් නවතන ලෙස නියෝග කළ මුතූර් වැඩබලන මහේස්ත්රාත් තීරණය කර ඇත්තේ රාජ්ය ආයතන 4ක් යොදාගෙන එම ස්ථානයේ බදාදා (23) කැණීම් ආරම්භ කළ යුතු බවටයි.
සාම්පූර් වෙරළේ බිම් බෝම්බ සෙවීමේ කටයුතු බ්රිතාන්යය මූලස්ථාන කොටගත් MAG ආයතනය විසින් ජුලි 18 වැනිදා ආරම්භ කර තිබු අතර ජුලි 20 වැනිදා එහි කාර්ය මණ්ඩලයට මිනිස් ඇටසැකිලි කොටස් හමුව තිබේ.
ඒ සම්බන්ධයෙන් කළ දැනුම්දීම අනුව එදින පස්වරුවේ එම ස්ථානයට පැමිණි මුතූර් වැඩබලන මහේස්ත්රාත් ඇම් ඇම් නස්ලීම් පොලිසියට නියෝග කර ඇත්තේ අධිකරණ වෛද්ය නිලධාරී, පුරා විද්යා දෙපාර්තමේන්තුව, රජයේ රස පරීක්ෂක සහ භූ විද්යා සමීක්ෂණ හා පතල් කාර්යාංශය ඉදිරියේ ජුලි 23 වැනිදා කැනීම් කටයුතු ආරම්භ කළ යුතු බවයි.
පළාත් බද වාර්තාකරුවන් පවසන්නේ සම්පුර් පොලිස් බල ප්රදේශයේ ළමා උද්යානය සමීපයෙන් මෙම මිනිස් හිස්කබලක් ඇතුළු ඇටකටු හමුුවු බවයි.
මෙම අස්ථි හමුව ඇත්තේ, 1990 ජූලි 7 වැනි දින ශ්රී ලංකා හමුදා විසින් අවම වශයෙන් සිවිල් වැසියන් 57 දෙනකු වෙඩි තබා, කපා කොටා පුළුස්සා ඝාතනය කළ අතර ඔවුන් අනුස්රමණය වෙනුවෙන් ගම්වැසියන් ස්ථාපිත කළ ස්මාරකයේ සිට මීටර් 50 ක් පමණ නුදුරින් බව ඔවුහු වැඩි දුරටත් පවසති.
