ශ්රී ලංකාවේ ඖෂධ කර්මාන්තයේ දැවැන්ත පිටුවක් පෙරළමින් ආසියාවේ විශාලතම බෙහෙත් කර්මාන්ත ශාලාව ලංකාවේ ඉදිකිරීමට සිනර්ජි ෆාමසූටිකල්ස් ආයතනය පියවර ගෙන තිබේ.Sri Lanka Latest News
කුරුණෑගල බිංගිරිය ප්රදේශයේ වර්ග අඩි 6,50,000ක භූමි ප්රමාණයක ඉදිකොට ඇති මෙම කර්මාන්ත ශාලාවේ ටැබ්ලට් සහ කැප්සියුල බිලියන 5ක් නිෂ්පාදනය කිරීමටත්, එන්නත් වර්ග මිලියන 130ක් නිෂ්පාදනය කිරීමටත්, මිලියන 34ක ආලේපන ඖෂධ නිෂ්පාදනය කිරීමටත් සැලසුම් කොට තිබේ.
අතිනවීන යන්ත්ර සූත්ර ආධාරයෙන් ඖෂධ නිෂ්පාදන සිදුකිරීමට කටයුතු යොදා ඇති අතර, කර්මාන්ත ශාලාවට විදුලිබලය ලබාගැනීම සඳහා මෙගාවොට් 3ක සූර්ය බලශක්තිය යොදාගැනීමටද පියවර ගෙන ඇත.
මෙම ඖෂධ නිෂ්පාදනාගාරය ආරම්භ කිරීම හරහා ඖෂධ මිලදී ගැනීම සඳහා පසුගිය කාලය පුරාම ලංකාවෙන් පිටතට ඇදීගිය ඩොලර් මිලියන ගණනාවක මුදලක් ඉතිරි කරගත හැකි බව බොහෝ දෙනාගේ මතය වී තිබේ.
දකුණු ආසියානු කලාපයේ විශාලතම ඖෂධ නිෂ්පාදකයා බවට පත් වෙමින් දැනට ශ්රී ලංකාව ආනයන මත යැපෙන මෙරටට අවශ්ය සියලුම අත්යවශ්ය ඖෂධ මෙහි නිෂ්පාදන කිරීමට නියමිත ය. එමෙන් ම මෙම නව ඖෂධ නිෂ්පාදනාගාරය තුළ Oral Solid Dosage (OSD), එන්නත්, පිළිකා සහ හෝමෝන ඖෂධ ඇතුළු විවිධ උසස් තත්ත්වයේ ඖෂධ ඉහළ ගුණාත්මකභාවයෙන් සහ අති නවීන තාක්ෂණය යොදාගනිමින් නිෂ්පාදනය කිරීමට සිනර්ජි ෆාමසියුටිකල්ස් කෝපරේෂන් පුද්ගලික සමාගම සැලසුම් කර ඇත.
දකුණු ආසියාවේ සියලුම ඖෂධ සඳහා විශාලතම පර්යේෂණ හා සංවර්ධන රසායනාගාරය බවට පත්වීමට ද මෙම ආයතනය අපේක්ෂා කරන අතර, මෙම වසර අවසානයේ මෙහි මූලික ඖෂධ නිෂ්පාදන කටයූතු ආරම්භ කිරීමට ද නියමිතය. Senura Civil Engineering (PVT) Ltd ආයතනය මෙහි නිර්මාණ කටයුතු සහ ඉදිකිරීම් කටයුතු සිදු කරනු ලබයි.
